影片
更多
2025-02-08
587 浏览
《JUNO - 上环》太耐无约朋友出去食好野啦，今次约左我老best 出去上环食西班牙菜🇪🇸之前喺网上面见人介绍都已经好想试啦，新年拆咗利是🧧一于食好啲😆当晚我哋两个人试咗佢哋嘅Tasting Menu，人均$538，有五个starters、每人一份main course 同埋一份甜品，如果想饮酒嘅话只要加 $120 就有两杯红或者白酒😉𠮶五款小食分别有:🔹伊比利亚火腿48个月配新鲜烘烤迷迭香意大利面包我想讲个面包真系超好食，店员话系餐厅自己制作，好食嘅伊比利亚火腿系唔会死咸的，带有油香同埋少少甜味，配上软腍腍嘅意大利面包真系劲好食👍🏻我可以食10件🔹布拉塔流心水牛芝士配有机小蕃茄、罗勒橄榄油拌狗芽菜沙律佢呢个水牛芝士嘅味道唔算好浓郁，质感幼滑，上面洒满烘烤榛子碎，个沙律汁系酸味味嘅醋汁，成件事好开胃🤤啲食材全部都好新鲜，作为前菜不错🔹吞拿鱼蛋黄酱泡沫呢一度菜式用咗分子料理嘅方法制作，上面嘅泡沫系意式吞拿鱼酱，入面有酸豆、三文鱼籽同埋蛋黄嘅香气，食落好有层次🔹吞拿鱼鞑靼佢呢个菜式其实系吞拿鱼蓉配柠檬西柚味醂汁，可以用薄脆米片装住啲吞拿鱼用嚟食，同样都系开胃菜式🔹西班牙甜青椒平时唔食青椒
太耐无约朋友出去食好野啦，今次约左我老best 出去上环食西班牙菜🇪🇸之前喺网上面见人介绍都已经好想试啦，新年拆咗利是🧧一于食好啲😆当晚我哋两个人试咗佢哋嘅Tasting Menu，人均$538，有五个starters、每人一份main course 同埋一份甜品，如果想饮酒嘅话只要加 $120 就有两杯红或者白酒😉𠮶五款小食分别有:
🔹伊比利亚火腿48个月配新鲜烘烤迷迭香意大利面包
我想讲个面包真系超好食，店员话系餐厅自己制作，好食嘅伊比利亚火腿系唔会死咸的，带有油香同埋少少甜味，配上软腍腍嘅意大利面包真系劲好食👍🏻我可以食10件
🔹布拉塔流心水牛芝士配有机小蕃茄、罗勒橄榄油拌狗芽菜沙律
佢呢个水牛芝士嘅味道唔算好浓郁，质感幼滑，上面洒满烘烤榛子碎，个沙律汁系酸味味嘅醋汁，成件事好开胃🤤啲食材全部都好新鲜，作为前菜不错
🔹吞拿鱼蛋黄酱泡沫
呢一度菜式用咗分子料理嘅方法制作，上面嘅泡沫系意式吞拿鱼酱，入面有酸豆、三文鱼籽同埋蛋黄嘅香气，食落好有层次🔹吞拿鱼鞑靼
佢呢个菜式其实系吞拿鱼蓉配柠檬西柚味醂汁，可以用薄脆米片装住啲吞拿鱼用嚟食，同样都系开胃菜式
🔹西班牙甜青椒
平时唔食青椒嘅我觉得呢个甜青椒好惊艳，佢系用咗特级初榨橄榄油去炸甜椒🫑虽然有少少苦苦地，但系佢系有种回甘嘅感觉，上面嘅岩盐令到个甜青椒味道升华咗一级😆送酒一流
而主菜我哋就拣咗黑松露安格斯牛面肉烩饭同炭烤猪肋骨
🔹黑松露安格斯牛面肉烩饭
一上枱见到咁多黑松露片喺个饭上面就知道用了十足，个牛面肉炆到好腍，唔使咬就已经散开，食落有油香，而个意大利饭系传统半生熟嘅口感，用上牛肝菌同芝士制作酱汁，成个意大利饭都充满菇菌嘅香气，劲奢华
🔹炭烤猪肋骨
个猪肋骨同样系煮到好腍，一切就轻松将骨同肉分离，个酱汁超香甜，店员话系用咗石榴去制作个酱汁，配埋旁边嘅牛油薯蓉一齐食劲惹味😋
最后甜品我哋拣咗黑樱桃奶冻同埋塔丁苹果塔，个人觉得个黑樱桃果酱真系甜咗少少，不过个奶冻系超香牛奶味同埋超滑溜，如果可以少返啲啲果酱就Perfect啦，而个苹果塔同样系较为甜腻，佢上面嘅焦糖酱带有微微海盐的味道，有啲似拖肥嘅香气，而苹果肉唔会煮到完全溶晒，仲系可以食到爽口嘅苹果肉，配云呢拿雪糕的确系十分配搭的
张贴
