勁餃笑

营业中

休息中

今日我哋去咗红磡一间相当受欢迎嘅饺子店，我选择咗煎饺套餐，拣左辣鸡肉芝士饺同韭菜猪肉饺，各有特色，味道绝对令人惊喜。首先，辣鸡肉芝士饺，饺子皮煎得金黄香脆，咬开后流出浓郁嘅芝士，配合微辣嘅鸡肉，真系令人欲罢不能。辣味唔算太重，刚好可以提升整体风味，而芝士嘅滑嫩更系为饺子增添咗层次感。韭菜猪肉饺则系另一番风味，韭菜嘅香气同猪肉嘅鲜美完美结合，每一口都充满咗自然嘅味道。饺子内馅新鲜，肉质鲜嫩，实在令人满足。套餐中仲有自家制嘅辣菜脯，味道酸辣开胃，搭配饺子食，增加咗一种爽口感。再加埋自家制嘅罗汉果白茶，清新又唔腻，十分适合用来解腻。朋友则选咗汤饺套餐，拣左鲜虾带子饺同大葱牛肉饺。鲜虾带子饺口感鲜滑，虾肉同带子嘅鲜味完全释放，配上清汤饮落去，彷佛每一口都充满海鲜嘅鲜甜。大葱牛肉饺则系浓郁多汁，牛肉嘅香气同大葱嘅清香交融，令人食得相当满足。最值得一提嘅系皮蛋酱拌面，面条弹牙，酱汁味道浓郁，带有微微嘅咸香，食落去好开胃，真系一绝。今日嘅用餐体验非常愉快，无论系饺子定系其他配搭，都令我哋感受到食材嘅新鲜同店家对食物嘅用心。下次一定会再嚟光顾，推荐大家都可以试下！