綠茶餐廳 (圍方)

营业中

休息中

呢间主打西湖盛宴打卡点多，除咗可以喺只船上面食嘢之外仲会有古筝表演，环境清幽脱俗，围方分店仲系由米芝莲名厨俞斌主理，食物品质味道一流，十分推介一定要试，我已经嚟过好多次啦，之前一直无推介过，佢哋嘅每个菜都唔会令人失望，真系每款菜式都十分好味，今次我就嚟试下其他未试过嘅菜式，首先讲下呢个蒜香脆皮烤鸭，用生葱粒下面有独特嘅酱汁加上佢呢个烤鸭，烤鸭皮脆卜卜，肉汁嫩滑真系冇谂过加埋个汁一齐食系咁好食。西湖雷峰塔，呢道甜品手工精巧味甜品唔会太甜，奶冻口感带住少少山药碎口感好特别，加埋佢嘅汁带出甜味会有一种好清新嘅感觉。仲有呢只龙井烤鸡系我每次嚟都会点嘅一个菜式，有龙井烟熏嘅香味，鸡肉超级滑嫩未食过一定要试。萝卜炖牛筋腩，萝卜牛筋腩炖到好入味，唔会等得太老，又唔会太韧。最后呢杯暴打凤梨茶，佢唔系用罐头嘅凤梨用嘅系真材实料，味道啱啱好，唔会太甜甜到好似饮糖浆，又唔会太淡淡到好似饮水。所以话呢间绿茶系我十分想推介比大家试下。