廣源小廚茶餐廳 (裝修中)

食物质素一般偏低，非常油腻。有时早餐面会腥！最差系呢度服务态度，我去买野食，变佐选香港小姐，一位年近六十岁既女人身高好矮，染黑色头发，短发有点自然卷，叫我姐姐⋯⋯我心谂妳老定我老呀？竟然叫我呀姐，我先20岁女咋！20岁好老咩？本人皮肤洁白无瑕，完全无皱纹，点都轮唔到妳叫我呀姐啊？人地80岁阿婆就叫靓女，唔抵得人后生过妳？成肚气！会帮衬唯一原因系近，呢度d人唔识尊重人，系唔系都叫小姐咪唔会得罪人咯！佢地自己又唔系生得靓，仲有成面皱纹，点好意思叫我呀姐啊？啲野又唔系好食，屋村唔忧做系咁，我建议大家多d搭车出去食，或者自己煮。恃住自己系顺安唯一一家茶餐厅，同东城一样都系态度差。不过东城好食d咯，其实屋村d食物选择唔可以多d咩？非要呢d态度比客人受气！呢个炒饭就炒得唔干身，饭水分太多，无味，系落佐太多油，完全食唔出系Xo酱咯！希望领展可以开吉野家/谭仔/三哥 取代呢d霸道茶餐厅，毕竟人地公司有培训过员工，识礼貌对人，而唔系上黎就以貌取人，生得靓唔靓关佢地咩事？系咪生得丑样唔可以叫野食呀？况且我好靓女