廣源小廚茶餐廳 (裝修中)

雙奶麥皮+魚柳煎蛋+餐飲 $38餐飲+$5 轉左奶茶紅豆冰******************************耐唔耐就會過黎廣源食下早餐早餐order去到11:30am可以當brunch食👍🏻麥皮有兩款選擇一款係純麥皮一款係雙奶麥皮無甜不歡嘅我當然揀左雙奶🤭好夠甜唔需要再另外自己加砂糖👍🏻魚柳新鮮滾熱辣即炸 脆卜卜😋最正係杯奶茶紅豆冰奶茶味濃郁紅豆份量唔度縮好味！食完好飽好滿足🤤

我久不久會和老婆來食午飯,但是他們成日漏單,令我太太食午飯時間少咗好多,追他們又愛你不理, 他們只顧做政府工嘅工人但不顧其他顧客,這個情況在我們身上已經發生好多次,希望房屋署可以令這餐廳....

係沙田廣源邨有一間廣源小廚相當出名，住係廣源邨既邨民都應該知道，而係順安邨依一面亦都有一間廣源小廚開左係到，而且價錢比附近既餐廳都平，而且早餐出餐速度快，所以每朝趕時間返工都買得切早餐食。而且佢既早餐仲可以自由配搭，岩哂我依啲鍾意左一款右一款既人食而且款式都好多，真係可以日日食唔同日嘅配搭。都係個句，自由度夠哂大嘛！叫個沙爹牛米加芝士咸牛治烘底都係40蚊炸，相當抵食！餐廳好有小店味，自由度大，而且嘢食都好好味。  評分味道⭐⭐⭐環境⭐⭐⭐服務⭐⭐⭐衛生⭐⭐⭐抵食⭐⭐⭐⭐

落咗單叫app送外賣，送漏2個飯話唔夠人 要我去舖頭攞，app運費又唔退。問佢幾點再送到，唔答時間不特止，仲話隔離邨半個鐘內送唔到，態度又差，叫我快d收線佢就可以送返2個飯黎。個飯唔係送到屋企門口，係叫我落去𨋢口攞，叫得外賣就係想送到上門，而家漏野又要出去攞，咁不如我早自己行去餐廳攞，運費都可以慳返，建議大家唔好叫呢間餐廳。

食物質素一般偏低，非常油膩。有時早餐麵會腥！最差係呢度服務態度，我去買野食，變佐選香港小姐，一位年近六十歲既女人身高好矮，染黑色頭髮，短髮有點自然捲，叫我姐姐⋯⋯我心諗妳老定我老呀？竟然叫我呀姐，我先20歲女咋！20歲好老咩？本人皮膚潔白無瑕，完全無皺紋，點都輪唔到妳叫我呀姐啊？人地80歲阿婆就叫靚女，唔抵得人後生過妳？成肚氣！會幫襯唯一原因係近，呢度d人唔識尊重人，係唔係都叫小姐咪唔會得罪人咯！佢地自己又唔係生得靚，仲有成面皺紋，點好意思叫我呀姐啊？啲野又唔係好食，屋村唔憂做係咁，我建議大家多d搭車出去食，或者自己煮。恃住自己係順安唯一一家茶餐廳，同東城一樣都係態度差。不過東城好食d咯，其實屋村d食物選擇唔可以多d咩？非要呢d態度比客人受氣！呢個炒飯就炒得唔乾身，飯水分太多，無味，係落佐太多油，完全食唔出係Xo醬咯！希望領展可以開吉野家/譚仔/三哥 取代呢d霸道茶餐廳，畢竟人地公司有培訓過員工，識禮貌對人，而唔係上黎就以貌取人，生得靚唔靚關佢地咩事？係咪生得醜樣唔可以叫野食呀？況且我好靚女