博多拉麵別天神 (已結業)

呢间位于告士打道嘅博多拉面别天神已经喺度好多年，有时搭车都会经过见到。呢日朋友话想食拉面，就试下佢啦～店舖采取先落单后入座，客人可以喺外面部点餐机度点咗嘢食，比埋钱，先入去坐。对于多用现金，冇咩用电子钱包/信用卡/八达通嘅朋友就可能冇咁方便喇。店内面积小小，只有大约十个座位，好彩呢晚客人唔多，唔洗排队～店家好细心，座位后方有衣架比客人挂褛；座位上方有纸巾供应，方便食拉面嘅时候可以抹下咀仔👍🏽【虾味噌套餐配小龙虾蟹子沙律（$115）】虾味噌豚骨拉面 单点 $85呢个劲推荐呀！汤底嘅虾味好浓，但食得出唔系重味精𠮶种。面头有樱花虾，增加口感同虾嘅香味🦐拉面面条整得啱啱好，唔会太淋，口感一流。但都索晒/挂咗啲汤，令到食嘅时候都品尝到虾汤嘅味道👍🏽小龙虾蟹子沙律 单点 $35望落个样似薯仔沙律，但入面全部都系小龙虾同蟹子嚟㗎，口感几得意～【别天神套餐配饺子（$105）】豚骨拉面 单点 $75呢度嘅豚骨汤系用100%豚骨同纯水制成嘅，所以有丰富浓厚嘅豚骨味。唔重味精，所以饮晒啲汤都唔怕呀😋面头有木耳丝。两碗拉面都配以葱花、粟米同半熟流心蛋，葱花香，增添口感；粟米鲜甜；流心蛋蛋味浓郁，流心效果一流。