水門雞飯 (蟾宮大廈)

营业中

休息中

曾经系好多地方都见过喱间水门鸡饭，但系就从来都冇入去试过，咁岩上次落大雨屋企又冇饭食就叫左几个菜返屋企加𩠌。系门口位置都见到唔少人排队，即刻对食物质素有多D信心~~见到门口痴左几张菜单，选择算多。马拉盏西兰花炒鱿鱼须其实都有少少预左外卖份量少，但喱间水门鸡饭既外卖份量都OK~鱿鱼须都唔系净系得三几条，鱿鱼须本身都好弹牙，而惊喜既系用西兰花黎配搭马拉盏原来比起通菜更夹更入味，喱个菜式要试!水门鸡系喱到一定都要试下佢既水门鸡，话哂都系店名，本人唔算好钟意食鸡，但外卖回家试左几旧都觉得鸡肉质地好滑好重鸡味，半只鸡份量够同埋已经起左骨，方便老人家同小朋友食。鸡肉/猪肉串烧串烧方面餐厅跟左咖喱汁，同日式串烧唔一样既系泰式串烧既味道会比较浓，喱到都一样，味道好入味，师傅对火候控制得都几好，就算我返屋企再做气炸锅翻热都冇过熟既情况出现。整体黎讲喱间餐厅既食物质素都OK，而价钱我认为系平既，如果唔系净系系叫𩠌既话都有其他碟头饭/面既选择，不失为外卖既好选择。