金飯館

营业中

休息中

金飯館絕對係有誠意既餐廳！秘制沙嗲牛肉燶邊蘭王蛋飯個沙嗲汁好濃好稠好正！牛肉又大塊又嫩滑！再加上2隻勁有蛋味既蘭王蛋！d蛋色水都唔同，特別香！整體勁夾！個飯仲要係炒飯底，真係好食好有誠意！好夠鑊氣，不得了！即叫即炸椒鹽豬扒飯個豬扒醃得好入味，即炸好熱好鬆脆！再加上炸過既辣椒乾同香蔥，再加炒飯底同少少菜，真係無乜野可以再挑剔！都係好有誠意，好有鑊氣！每個飯仲有個配菜仔，係咸蘿蔔仔！正！蜜汁雞翼勁多蜜糖，多到滴出黎！好夠熱，岩岩炸起所以真係好沾滿蜜糖，雞翼又大隻又嫩滑，真係堅正！檸茶同奶茶都好正！唔係hea整，係真係撞出黎既正宗味道！呢間野超有誠意！搵唔到邊間茶餐廳咁高質，真係每樣食材都用心夾過！同個老闆傾左幾句，仲話個大廚係名廚，係好出名既餐廳請過黎！