四合院 (已結業)

今日同朋友系湾仔揾嘢食，经过四合院，比佢门口嘅红灯笼吸引住，再望到里面枱枱都食紧一碟成碟都系好多辣椒嘅𩠌，见到都觉得好食，同朋友就决定喺依度开餐。先叫咗招牌菜式十三香麻辣虎虾锅，加咗土豆，牛栢叶同猪耳，本来想点中辣，但落单姐姐话小辣都已经好辣，比佢吓一吓即刻点返小辣，等咗一阵，成碟辣椒嘅虎虾锅有得食，香喷喷，同朋友即刻食咗只虎虾，好大只，D肉又好弹牙，好好食，而且有9-10只，剩系食虾都饱晒。另外猪耳好脆，切到幼幼地，口感一流。牛栢叶嗦晒D辣汁，劲惹味。土豆朋友最钟意，切到一片片薄薄地，炒得又淋淋地，又吸埋D麻辣汁，真系食唔停口，叫埋个白饭，送饭真系好正。不过我地就觉得唔够辣，早D唔听个落单姐姐讲，点返中辣啦，一定觉得仲惹味。再叫咗东北名菜酸菜炖白肉，好大锅，D菜切到一丝丝，白肉又好多，用D热汤浸住，少少酸酸地，又唔会好油，清清地，都几好食。我地剩系叫咗两个𩠌，已经同朋友捧住个肚走，因为佢地份量真系好大，而且又好惹味，唔觉唔觉越食越开胃，食多咗都唔知。不过我同朋友都决定，要等冬天先再离，因为我地禽晚安排坐系室外，系无冷气嘅，越食越觉得热，虽然D嘢好好食，但都觉得等天气凉D会舒服D。