SABROSA

营业中

休息中

今次系第二次过嚟食，之前食个lunch觉得几好食，所以今次试吓dinner。最钟意佢间餐厅好有特色，有好浪漫嘅红玫瑰放喺门口。睇紧有咩食嘅时候就送咗餐包过嚟，个餐包都好软熟好好味。首先叫咗个传统西班牙烤乳猪慢煮苹果蓉、些利酒烤猪汁，食西班牙嘢一定要叫烧乳猪，佢个烧乳猪乳做得好腍好入味，猪皮都煎得好香，食得出系靓嘅猪肉好腍好滑，仲有炸咗嘅羽衣甘蓝，两样食物都好夹。另外叫咗辣味香蒜虎虾，虎虾爽滑弹牙仲要好大只，配埋个汁真系好惹味，仲要有好多只。最后煮食就叫咗西班牙海鲜饭，啲饭超级大粒，另外食得出用浓汤煨左好耐落啲米饭𠮶度，粒粒都好分明。只虾劲大只劲浓味，另外亦都有劲多海鲜劲丰富，食得出全部都系新鲜嘅海鲜。