小魚兒 (金馬大廈)

营业中

休息中

今日涷涷地，想食鸡煲，朋友带我黎呢间，睇吓餐牌都几多款式，价钱唔算贵，就入去试吓。麻辣鸡煲（半只）我地简咗小麻小辣，份量都唔算少，一开盖已经劲香麻辣味，食落d鸡非常嫩滑，d酱汁好浓好惹味，d麻辣味劲正，食到停唔到口。辣子鸡虽然成碟都系辣椒，但唔算辣，鸡肉炸到好干身，入晒味，唔错。椒盐金菇炸得非常香脆，劲大碟，好香椒盐味，食落唔会太油，点埋喼汁仲惹味。烧茄子上面铺满劲多蒜，茄子都好厚身，好多肉，烧茄子加蒜，劲正。烧牛油粟米第一次见咁烧，每件粟米上面都有劲多蒜，仲加埋牛油香味，好好味。龙凤柠乐食鸡煲唔少得饮有汽饮品，龙凤柠乐够酸够爽。