三日月

营业中

休息中

难得放半天假，就更系去揾好西食。 好唔容易，黎到尖沙咀呢间三日月，佢个龙虾薄烧铁板餐好出名，所以就要黎试下。 前菜矶烧鲍鱼，麻渍豆腐，牛蒡，仲有柚子酱沙律，超新鲜爽口，唔会有菜青味。龙虾膏用黎煮酱做龙虾主菜，配返和牛卷金菇同超香既葱，仲有好新鲜既配菜。煮好摆盘超靓，厨师太有心思。龙虾够新鲜，所以啲肉好爽口，夹返龙虾膏酱超香。龙虾头仲可以一阵煮汤。松露茶碗蒸，一打开已闻到好香既松露味，精致既鱼籽，配埋木茸，香味满分薄烧和牛卷，本身已入口嫩滑又够香，同埋点返少少海盐同楜椒味道更提升原个龙虾头煲1碗面豉汤，真系未试过。好鲜味既龙虾汤，仲要个头仲有好多肉，正。而樱花虾炒饭亦好靓又够干身，每一口都有淡淡既樱花虾香味。 厨师仲建议先食一半，再配埋茶渍做站茶渍饭，又真系好好味wor，感觉似海鲜粥，有惊喜。而最后甜品系抹茶大福，入而超多红豆蓉，一啲都唔甜，好好味。