影片
更多
2025-01-20
0 浏览
大家都系观塘街坊，朋友话以前食过嘅一间西餐厅转咗手，开咗间新嘅都唔错，仲有好多happy hour设施，今日同老细上去睇下～地方真系好大，一入去又有掟镖机，又有足球机，仲有啤酒game～不过今日二人撑枱脚，就坐低叫嘢食啦！叫咗个Dinner set for 2杂菜汤+蘑菇汤：杂菜汤比较清，蘑菇汤好香浓，口感唔系太幼滑，但系有少少咬口咁仲啱我！跟汤牛角包非常松脆～唔使搽牛油都好好味！前菜：香料吞拿鱼配牛油果同红葱酱，三文鱼好新鲜，仲有少少沙律菜～牛油果酱好香，红葱酱啲红葱炸过，有啲咬口，口感几丰富！味噌煮和牛面颊肉：啲和牛煮得非常淋，非常入味！！个味噌汁几香，配料估唔到仲有啲酸酸地但几嘅辣嘅辣椒，估唔到都真系几辣㗎！！黑松露饭配三文鱼子海胆蟹肉：个卖相好得意，上枱好似一个锅咁，一打开劲香！😍我估唔到系一片片松露咁落本😚🤭～个饭炒得好香，原来仲会有少少饭焦，大大件海胆，真系好满足！仲有三文鱼籽、蟹肉～呢个饭真系不得了！！🥰👍🏻白桃草莓蛋糕同一杯冻mocha，为今餐画上完美句号！！呢度仲有户外地方，系pet friendly餐厅，如果你有猫猫狗狗宝贝，可以带埋一齐嚟happy hour！！食
大家都系观塘街坊，朋友话以前食过嘅一间西餐厅转咗手，开咗间新嘅都唔错，仲有好多happy hour设施，今日同老细上去睇下～地方真系好大，一入去又有掟镖机，又有足球机，仲有啤酒game～不过今日二人撑枱脚，就坐低叫嘢食啦！
叫咗个Dinner set for 2
杂菜汤+蘑菇汤：杂菜汤比较清，蘑菇汤好香浓，口感唔系太幼滑，但系有少少咬口咁仲啱我！跟汤牛角包非常松脆～唔使搽牛油都好好味！
前菜：香料吞拿鱼配牛油果同红葱酱，三文鱼好新鲜，仲有少少沙律菜～牛油果酱好香，红葱酱啲红葱炸过，有啲咬口，口感几丰富！
味噌煮和牛面颊肉：啲和牛煮得非常淋，非常入味！！个味噌汁几香，配料估唔到仲有啲酸酸地但几嘅辣嘅辣椒，估唔到都真系几辣㗎！！
黑松露饭配三文鱼子海胆蟹肉：个卖相好得意，上枱好似一个锅咁，一打开劲香！😍我估唔到系一片片松露咁落本😚🤭～个饭炒得好香，原来仲会有少少饭焦，大大件海胆，真系好满足！仲有三文鱼籽、蟹肉～呢个饭真系不得了！！🥰👍🏻
白桃草莓蛋糕同一杯冻mocha，为今餐画上完美句号！！
呢度仲有户外地方，系pet friendly餐厅，如果你有猫猫狗狗宝贝，可以带埋一齐嚟happy hour！！食lunch两点后仲有八折添！！
张贴
