Goobne Chicken (The Hart)

营业中

休息中

Goobne系一间专注于无油烤鸡嘅韩国连锁店，都开左好耐，一直都系我心目中烤鸡no1。QR code落单，叫左火山+原味鸡，无骨，同埋鸡蛋卷。首先讲火山鸡。无骨鸡肉嫩滑，辣汁渗透入肉，非常惹味。不过，唔系太能食辣嘅朋友可能会觉得辣度有啲过火。配埋啤酒一齐食，辣味中和得啱啱好。至于原味鸡，味道就比较清淡，突出咗鸡肉本身嘅鲜味。无油烤焗嘅方式保持咗鸡肉嘅嫩滑，冇咁油腻，食落去唔会觉得滞。呢款鸡好适合唔钟意太重口味嘅人。鸡蛋卷系意外惊喜，蛋皮柔软，里面夹杂住青瓜，鱼糕，腌萝卜，火腿，口感丰富。呢个配菜可以中和啲辣味。总结嚟讲，Goobne都几适合frd 聚会，因为野食都比较大份，加上舒适嘅用餐环境几好。