雲南小鍋米線

营业中

休息中

喺石篱附近玩完活动，朋友话带我食好味米线，于是就试咗呢间小锅米线，不过我fd话旧老板娘主理𠮶阵仲好食，但依家都ok。我叫咗自选米线，配料拣咗肥牛、响铃、猪肠、肉碎，佢另外本身会跟韭菜、芽菜同腐竹。我拣咗清汤配肉碎辣，算系最唔辣嘅一种配搭。肥牛冇乜肥，但唔韧，猪肠好入味，不过佢切到细细条，如果切件会更有咬口。小食我嗌咗麻辣猪耳，好好味，好爽口，不过都几辣。朋友推荐食佢个招牌鸡丝米线，话系人手摵幼丝配汤好好食，我试咗少少，唔干嘅，不过我唔钟意佢𠮶种鸡松口感。好彩我哋5:30pm入座，𠮶阵仲未坐满，啱啱有位，未够6点已经full晒要排队，fd话佢午市同晚市都好full，唔想排队就要拣啱时间去。