華記潮州滷水車仔麵 (民興大廈)

营业中

休息中

好过份，离晒大谱，唔出声真系唔得，喺呢间车仔面叫碗牛腩米，收人$32无加一，咁鬼大碗，唔好话小朋友，连大人都未必食得晒，旧萝卜鬼咁大旧，又甜又索晒味，重要无渣👍🏻。果碗猪杂面，连汤底都饮埋，又浓又好味😋，最抵死系，竟然完全唔会口渴，即系无味精（应该系，除非现在有味精系唔令人口渴）。个辣油劲多芝麻，连我食唔到辣既，都唔抗拒食落去。呢间车仔面衰得佢，个个员工都好客气，又好态度，主动关心客人需要。认住佢，一定要认住呢间舖。