火鍋撚 (日富里百好大廈) (已結業)

成日见到身边嘅人喺火锅撚到打卡，最近天气凉左啲，终于黎试呢一间比较近我嘅火锅撚新分店啦。我同男朋友两个食安排左一张大卡位俾我哋，坐得超级舒服，其实四至六个人坐都绰绰有余，叫几多嘢食张枱都摆得晒啦以为新分店少啲人，点知座无虚席，非常热闹。汤底方面叫咗蜂巢豆腐白汤锅同祖传秘制麻辣锅，前者嘅御膳成份包括滋补香料同原条人参，熬制既汤底有养生嘅作用，麻辣锅配上养生嘅中草药熬制，油份比普通嘅麻辣锅少，打边炉同食辣都可以食得健康同安心啲。我哋叫咗一份小嘅火锅撚御用手切肥牛，分量其实一啲都唔小，送上枱嘅时候仲附送烟雾效果，非常有气派碟上仲好贴心咁有渌牛肉嘅指示，令我哋更容易掌握时间，唔会渌得太熟。牛肉嘅油花比例平均，肉质够嫩滑，唔算多筋，值得一试。极品黑豚肉都系佢哋嘅厨师推介，卖相非常吸引，完全无猪臊味，咬落好软熟。海鲜方面叫咗脆鲩鱼腩，口感肥美鲜味十足，索晒d汤底变得非常入味。最令我惊喜嘅绝对系双拼嘅法式龙虾汤爆浆牛丸同新出嘅黑松露菌酱爆浆牛丸。牛丸超级之弹牙，系弹落地绝对会弹返起身𠮶啲内里无论系配龙虾汤定黑松露酱味道都非常浓郁，系我食过既牛丸既number 1！！！新张期间仲送埋甜品添，芋圆非常之