食雞

营业中

休息中

陪個朋友去大角咀，佢要幫個囡去香港兒童合唱團西九總部交報名表面試。時間尚早，喺附近逛下睇下有咩好食，我們喺一座新建成的單幢酒店管理式住宅地下搵到這間《食雞》，食完雞煲加湯任食其他火鍋材料，不限時，可以坐低慢慢食慢慢傾。店內環境闊落，樓底高，打邊爐都唔會覺得焗促，店員安排坐靠牆位置，靜靜地可以傾下偈。先來雞煲，點了招牌川椒(微辣)，雞煲上枱之後，檯面有一個漏斗，倒數三分鐘打開蓋就食得，配料包括芫茜、紫洋蔥、辣椒、花椒、八角、洋蔥、薑片等等，味道香濃但唔會好咸，喜愛吃雞煲嘅我很喜歡這個味道，雞件也相當之滑。差不多吃完雞煲時便可以加豬骨湯底或蕃茄湯底，我們選了豬骨湯底，先來一個火鍋拼盤，包括一些基本肉類、丸子等等。安格斯雪花肥牛長長一條，一淥就食得。西班牙黑毛豬腩，肉質鬆軟。韓國珍寶蟹棒勁大條，鬼馬扎肉片好香口，丸類中魚蛋較出色，質地唔錯，喜歡魚蛋是這款較淋的感覺，魚皮餃個皮唔會太厚。炸魚皮非常香脆，推介。之後還有其他火鍋、可以任叫任吃，安格斯牛小排肥牛，確實肥美，麵筋、響鈴、 健力士啤酒腸質素都唔錯，蝦王雲吞爽口彈牙，最欣賞個台灣無字豆紙，放湯兩秒就食得，感覺有點似腐竹，又香又滑。其他蔬菜