焼肉スマイル (燒肉smile)

今日食台式烧肉真系好开心！装修用左全木系，望落系劲舒服。呢到系叫套餐或单点烧用，唔系任食，仲可以随时配上台式饮品、甜品同主食。叫完野食可以到沙律自助吧食住等，选择好多，食得特别开心，可以随意搭配，清新又健康。极上盛品真系唔错，好多款式肉类，包括左鱼、虾同牛肉。鱼肉鲜嫩一大粒骰子鱼肉，一路烧一路闻到好香味。大虾好新鲜，肉质弹牙。不过最最正都系啲牛肉，烧到7成熟就价，味道十足劲香肉味，食落亦好软身，最紧要系好干净食完都无肚痛肚屙。猪肉套餐配上韩式辣酱汁真系好好味，几个部位既猪都唔系好识分了，咬下去肉质鲜嫩，唔会好多肥油肥膏，食得好满足鸡膝软骨则是另一种享受，肉质软滑，咬下去弹牙又有嚼劲，完全唔会腻，非常适合当小食。主食有得拣葱油温泉蛋饭或雪蟹膏拌饭，两款都好适合配上烧肉食。蟹膏好香浓，份量超多。不过个人觉得太抢味，反而葱油蛋饭配烧肉仲出色！呢到烧肉真系好出色，无论系环境、舒服同野都系一流，一定会再黎！