雲南啊老表黑山羊湯鍋米綫 (已搬遷) 新店位置

一直都有听过人哋讲系佐敦嘅云南呀老表黑羊汤锅米线好好食，所以今日放工特登同男朋友去试吓，因为男朋友都钟意食羊，但系我就有啲怕会"so"。我哋七点钟就黎到所以都有几多位。餐厅又唔系话有劲多种类嘅嘢食，我哋最后叫咗一个羊肉清汤米线同埋一个羊肉酸辣汤米线。小食就叫咗避风塘麻辣鸡翼，同埋上汤生菜。我觉得佢嘅羊肉米线好好食，虽然我叫咗清汤，个汤好有淡淡的羊味，一啲都唔so，反而好鲜甜，真系劲好味，个羊肉又唔系太韧，都好食。而男朋友叫个酸辣汤都好食但系都几辣。小食方面，个避风塘麻辣鸡翼好惹味，我觉得佢个味有啲似土匪鸡翼，啲鸡肉好juicy,好滑，我哋都觉得好好味，而且个鸡翼都好抵食，四只都系$22。个生菜原来都系用佢嘅清汤煮嘅，所以都有淡淡的羊肉味，好鲜甜呀啲菜。野饮我就叫咗冻柠茶，男朋友就叫咗冻茶蜜，我觉得都ok , 茶蜜就系用菜蜜冲嘅。人均消费大概$80左右，我觉得以呢个价钱食到靓嘅羊肉米线都好抵呀。