雲南啊老表黑山羊湯鍋米綫 (已搬遷) 新店位置

雲南阿老表黑山羊鍋米線經濟又實惠嘅餐廳 價錢相宜 份量十足 性價比高今日同朋友經過佐敦想坐低休息一下 搵個地方醫肚好耐冇食過米線所以就嚟咗我叫咗羊肉酸辣細碗米線朋友叫咗牛腩米線小食叫左麻辣豬耳美味口水雞上菜速度非常有效率好快已經嚟齊細碗麵嘅份量都非常之多 羊肉切成細塊 方便咀嚼唔會太騷 但同時保持有羊味我欣賞佢枱上面有各式唔同嘅調味料畀客人任君選擇佢嘅菜脯好惹味 又爽口 加埋落米線到食非常之正朋友嘅牛腩米線都唔錯牛腩煮得非常之軟身小食麻辣豬耳辣度岩岩好 好爽脆口水雞肉質嫩滑整體黎講好唔錯

上星期去吃了一碗清湯羊肉米線，吃完回到家馬上腹痛腹瀉！屎水好像水泡車一樣射出去！完全冇渣！痛到我夜晚都睡不著！瀉左5-6次！后來醫生診斷我為急性腸胃炎（食物中毒）！千萬別吃這家！食物質量太差！！！！！羊肉都係非常酸臭！不知道放了多久！！已投訴！如市民在食肆用膳時發現食物不潔、有異物、或不宜食用，可向食環署作出投訴。若市民在進食後感到身體不適，應盡快求醫；如經醫護人員確定為食物中毒個案，診所或醫院會通知食環署及衞生防護中心安排跟進調查。如市民欲向食環署作出食物投訴，可致電食環署24小時熱線2868 0000 (此熱線由1823接聽)，投訴會交由食環署當值的衞生督察處理。衞生督察會聯絡投訴人，並會同時告知投訴人應如何處理証物。如市民希望在食肆等候衛生督察到現場處理事件，請留意等候時間需視乎衞生督察當時的工作情況而定，詳細情況請向衞生督察查詢。

佐敦- 一個好多野食、多元既地方! 好耐冇黎呢頭搵食, 講真依家唔係工作關係都唔會去佐敦食野。今日個肚有D想食米線, 但又唔想食辣既! 行行諗諗就諗起雲南啊老表!以前都幫襯過好幾次, 初初幫襯佢真係有種「點解咁好食架?」既感覺~清湯羊肉細碗米線 - 先講講湯底, 唔知係轉左師父定慳呢? 清湯就真係清到冇乜味咁喎!羊肉比較瘦, 但冇乜味~ 旁邊幾粒豬油渣就KEEP到水準~少少辣既菜脯 - 配返個清湯米線令個感覺會良好D!總結 : 水準差左DD, 下次可能會隔好耐先再黎一次了!

這是一間萬里天涯的愛情餐廳！ 故事依稀記得是大概廿年前，內地新移民妻子到澳洲旅遊，認識當地老公。其後，老公亦移到香港居住，他人生路不熟也不諳中文。妻子想：有什麼工作可讓他幹？倒不如在香港試試賣家鄉黑草羊。她家鄉雲南楚雄，即昆明上點香格里拉下邊，都是些山區，景色雄壯氣溫較寒，山羊遍山走。於是就嘗試在香港找全羊貨源，尋尋覓覓，最後雖然成本極高，但仍堅持開張，選址香港觀塘四仔商場後巷，澳洲外籍老公負責樓面，當年還用英文下單，老婆負責廚房工作。 新張時間沒有太多人認識，但慢慢做好口碑，人流如潮。最後一次光顧十年前，要在門口十多排可樂包裝上進餐。路經佐敦，天氣寒冷路過此店，見賣羊肉米線。看到門口廣告，認得是當年澳洲老公雲南妻子的餐廳。進門而入，以懷念當年味道。依然一男一女工作，但角色調轉女子負責樓面，男子在廚房工作。女子戴上口罩掩蓋不住漂亮的臉蛋，認不到是否老闆娘本人，有點冷酷，落單沒任何對話。男子是中國籍男子，澳洲老公你在哪呀？還是像以前不懂中文，落單時會說向客人說你的故事嗎？餐牌英文少了。以往是ABC餐方便老公聽得明白，但現今餐牌只餘少量零碎英文。牆上招紙也只有簡體字，沒了繁體也沒英文，是婚

好耐之前已經知道有呢間專食羊肉米線嘅鋪頭。今晚要係附近上堂，所以淰住上堂前去試下。可能太早嘅原因，鋪頭內無麼人。不過鋪頭眼見都幾乾淨，就算坐近廚房都無異味。叫左碗細嘅羊肉米線，加多份小辣豬耳。雖然係叫左細，但都好大碗，女仔應該食唔曬。羊肉片都幾多嘅，不過都幾鞋下，麻麻地。個湯底還可以啦。最失望係呢個麻辣豬耳，完全唔麻唔辣，可以用無味黎形容。不過25蚊有甘多，價錢接受到嘅。不過味道就真係有待改善啦。

幾年前都一直會嚟呢度食羊肉米線/米粉，對個羊肉、炸羊皮同湯底都念念不忘。今晚終於有機會再嚟佐敦，又趁天氣凍凍地，食羊肉米線都啱喎！一於入去叫番碗細羊肉米粉暖暖胃！除咗個炸羊皮依舊香口又唔油膩之外，個羊肉都keep 到水準，依然係食開個味道！不過一飲個湯⋯咁味精嘅？以前個豬骨湯底味唔見咗，取而代之嘅居然係越食越口渴嘅味精湯？😔哎呀⋯點解嘥咗啲正料呀⋯？

今晚為了慶祝我同老公豬相識3週年兼結婚一週年💑，我地外出食飯慶祝，老公豬提議食羊肉，他話找到一間想試下，所以我們第一次黎到食羊肉小鍋米線暖下身，我們食的都係（細碗），大碗係2人份量，記得不要叫錯，我們都同係羊肉清湯，個湯好清甜的羊肉湯，店舖內有樽甜辣菜甫少少辣，放落湯好好食，羊肉較嫩不酥及份量不少，米線彈牙係3哥個種，配埋碗中的豬油炸，十分惹味😋😋😋!我們叫埋醋辣豬耳及辣雞翼，我和老公豬都激讚碗米線整體出色，老公十分喜歡個豬耳，話口有咬口，個汁出色，他搞笑到同店舖員工講話豬耳好食🤣🤣，他又諗埋下一次食口水雞及炒土豆絲🤣，我們叫左2罐凍汽水，全部共170元!講真，我們飲了些湯，好濃，食完我們都感覺全身好暖，我們出到門口都要除長褸👍!

今日黎到佐敦附近覓食 咁啱就見到有間咁既雲南米線 生平嚐遍米線無數 堪稱雲南米線界之達人 見到間咁既雲南米線鋪緊係入去挑戰下 ！坐低叫左碗牛羊雙拼米線碗米線拎黎大到成個洗臉盤咁 份量多到嚇左一大跳 牛羊份量十足 羊肉又唔會有好大陣騷味 牛肉炆到好淋幾乎入口即溶 米線十分彈牙爽口 加左餐廳提供既菜莆更加脆口開胃 環境所算乾淨整齊真係好好食 就算臉盤咁大既米線都轉眼間食清 米線黎講真係堪稱一絕 下次必定再黎幫襯💪🏻💪🏻💪🏻

由官塘吃至佐敦店水準幸以保持，出品需增加了款式，但仍以最基本羊肉米粉為心水！下訂單時可説明：有皮帶肥多蔥！有皮帶著點肥 皮有咀嚼勁 肥的很香 蔥令整碗湯米粉增添香味！近一兩年老板加入了炸過的豬油渣，也變得更美味了！

老表， 你無味啊知道哩間羊店幾長時間，因為好多人話好食又好少有。亦一個真係中意食羊的客人，應該不會喜歡。今日12點半左右去到，坐了8成人，裝修非常簡單，餐牌以非常簡單，配菜比其他車仔麵少好多，主打就系羊。叫左兩個米線同埋菜，等左5分鐘左右，服務算OK啦，要杯熱水都比。羊肉豬腸米線- 羊肉切成薄片，都幾多，但肉質好鞋，最重要系“無羊味”，（好奇怪，同枱個客話比佢個朋友聽，放心食，羊系無膻味，好老實，識食羊就系要食哩陣味啊，吾係就乜野肉都一樣啦）；米線幾滑但太淋；豬腸係加7圓，但少得可憐，無任何味道。羊肉牛肉米線-其他一樣啦，牛肉係有一點肥層，但可能太老啦，好鞋。腐乳通菜- 問過腐乳吾辣至叫，點知道原來系辣咖，好彩系佢只是放在旁邊，通菜幾嫩。

嚟到這間主打食羊的米線舖，而我卻叫了一碗牛腩米線。米線份量都幾多，唔太大食嘅女仔食完一碗應該都幾飽。湯底比較清淡，帶有好香嘅蔥油味。不過牛腩嘅份量就少啲，成碗夾埋都喺得4至5舊，而且都喺比較細碎嘅部分，唔喺完完整整的一件牛腩。牛腩肉質較爽口，無咩肥肉同筋，質量唔錯。米線另外加多左豬大腸做餸，不過大腸好似無經過調味醃製咁樣，食落淡而無味而且很難咬開。男友叫的白菜豬肉餃賣相唔錯，隻隻都包得好靚好飽滿，咬落仲有肉汁，幾好食。有機會的話，下次再嚟試下舖頭嘅鎮店之寶羊肉米線。

一直十分抗拒羊肉羶味的我，偶而在同事的介紹下鼓起勇氣試了他們的羊肉米線。結果很意外，羊肉不單止沒羶味，薄薄地而且很嫩滑軟身，而湯底亦帶有清淡的羊味。最畫龍點睛的位是加入了數塊豬油渣！！是現在香港很難找到的懷舊美食，竟然在這裡出現！而且炸得香脆而不膩，是感動的味道😭米線有大細碗之分，說是細碗其實份量也不少，同外面的正常粉麵差不多。另外如果冬天來食更加加分，因為食完羊肉的確會暖身暖胃，食完個人暖笠笠☺️

黑山羊肉米線令人再三回味！ 我最初接觸個間喺觀塘，見今日經過佐敦，喺地鐵站行過去佐敦分店，只喺幾分鐘，十分方便。 店鋪門面其實都有好多嘢食。而米線方面，分量上細碗已經好夠食，等於平時食嘅米線碗噤大。如果喺大碗，就會食得太飽啦。 我叫左細碗嘅羊肉米線...... 羊肉小小酥味......紅色嘅係皮，好好味有油膩。湯底係好有羊肉味，可以飲曬碗湯底。 食嘅時候，記得加食完之後，感覺上觀塘店比較好味。再睇睇個餐牌，原來尖沙咀都有一間分店。大家可以去試下

今天佐敦上堂12点～1点，接著要趕下一堂黃埔上堂，一小時午餐連交通，只有趕、趕、趕🙃🙃🙃，經常由尖沙咀过估敦穿過港景峰入佐敦道的幾條橫街都好多食市，記得在近官涌的有車仔麵，想必夠快，就在富臨外面的紅綠燈過近佐敦道那邊找，哦！又記錯了位置，但見到小黑羊，都想試下。有試過廟街那邊有一間是官塘開過來的那間羊米線、、、不及官塘好吃呢！今天吃小黑羊，菜單簡單，有羊、牛、豬、餃子和其他小吃，簡簡單單，有大碗、細碗，先👀👀隔離檯大、细碗、、、🤔大碗🍜，好大個湯碗呀！好明智地選了细碗，我和同事都叫年米線，她的不辣，我点了酸辣不用加費，好快就上，原來有帶皮，是炸了的，感覺不像羊腩煲的，因為炸了，有一点点膩，但都幾特別，羊肉是薄片，有羊味對於喜愛羊的，不失一試，好味。

我都幾鍾意食羊肉，但係專食羊肉湯麵嘅舖頭唔多，除咗旺角通菜街嘅羊肉粉去得最多之多，呢間呀老表就係第二間我所知道專食羊肉粉嘅餐廳，之前嚟過一次覺得ok， 今晚想食羊肉就嚟多次我哋叫咗一碗大嘅羊肉粉和一碗小嘅牛腩粉， 雖然後者size係小， 但係其實份量一啲都唔少， 大粉嘅份量就更加多啦，食落有好多米線 羊肉好薄， 牛腩好淋，仲有啲應該係炸皮或者油渣做配料，不過我怕唔健康就冇食曬。想食羊肉呢間呀老表都係一個唔錯嘅選擇