六両三

营业中

休息中

由行入餐厅开始已经闻到一阵异味，阵味系类似宠物店入面阵狗嘅体味。舖头内嘅位置唔多，我哋被安排坐喺餐厅嘅角落头。位置比较迫，冇咩空间放野，朋友购物完之后去食饭，全程都要揽住购物袋同手袋。舖头以QR code落单，我同朋友都肚饿啦，一人叫左一碗面再加小食。落单后满心期待食到传说中嘅传统牛肉面，我地叫左两个半肉半筋牛肉面（红烧汤底、麻辣汤底各一）、牛腱牛腓条面（红烧汤底）、肉燥干拌面，小食方面就叫左两个麻辣鸭血、一个百页豆腐、一个甜不辣。上菜速度算快，大概落单后5分钟内已经上菜。但食物一放落口，已经觉得中晒伏。首先系牛肉面嘅汤底完全无味得黎又带点酸，完全仲差过连所式嘅牛肉面汤底；麻辣汤底就好少少，起码食到有辣。而拌面就肉燥做到有咸味，就系咁大把。终极大佬系个麻辣鸭血！真系好难做到一放落口想吐返出黎！个所谓麻辣汤底系水一样但水面又浮住啲辣油，件鸭血不论口感定味道都比起街边车仔面档嘅猪红更加差。原本见到餐厅好评如潮同朋友一齐试吓，谁不知系失望而回。第一次食剩咁多野，连块牛肉都要中途放弃。未试过嘅朋友唔洗可惜，可以唔洗试⋯⋯除非你食开明将寿司，有一颗勇士嘅心。