影片
更多
2021-09-22
489 浏览
喺油麻地同旺角兜兜转转，都行到成6:30，好偶然嘅情况底下竟然比我见到依间铺嘅下午茶去到夜晚7:30，下午茶都系30几蚊，Amazing ，咁抵当然要试吓。喺香港做生意都几难，除咗食物质素之外，颜色又要区分，仲要不断被批斗，要继续留喺度嘅，除咗勇气之外，真系勇气。我叫咗个下午茶餐，雪菜肉丝米粉配煎双蛋多士+热奶茶$32，多士加两蚊total $34咁嘅价钱，我真系冇咩要求，佢个雪菜肉丝唔咸几好食，米粉就硬身咗少少，下次我应该加$3转出前一丁/辛辣面；热奶茶够热有茶味，绝对系正常茶餐厅味道。我睇咗人哋啲comment话依度啲侍应态度麻麻，我亲身体验过又正常㖞，比好多茶记都好。讲真我又唔系要佢啲咩Service，唔好串串贡或者落错单咁就ok了。我应该会翻兜，希望佢可以继续做落去，加油！Mcmug综合评分：5/10，勇气可加+2，7/10
喺香港做生意都几难，除咗食物质素之外，颜色又要区分，仲要不断被批斗，要继续留喺度嘅，除咗勇气之外，真系勇气。
我叫咗个下午茶餐，雪菜肉丝米粉配煎双蛋多士+热奶茶$32，多士加两蚊total $34
咁嘅价钱，我真系冇咩要求，佢个雪菜肉丝唔咸几好食，米粉就硬身咗少少，下次我应该加$3转出前一丁/辛辣面；热奶茶够热有茶味，绝对系正常茶餐厅味道。
我睇咗人哋啲comment话依度啲侍应态度麻麻，我亲身体验过又正常㖞，比好多茶记都好。讲真我又唔系要佢啲咩Service，唔好串串贡或者落错单咁就ok了。
我应该会翻兜，希望佢可以继续做落去，加油！
Mcmug综合评分：5/10，勇气可加+2，7/10
张贴
