影片
更多
2014-07-24
6657 浏览
依家喺「速食」嘅年代，乜都要快，平时返工睇免费报纸，都喺一样，概略睇睇标题，有兴趣嘅就睇多两眼，不过，副刊中嘅旅游及饮食就多数会花少少时间细阅，无他嘅，小弟为人贪玩成性，好食懒做。食海鲜，食到游水货色已经好足够，就如早前一班死佬揸车入到去屯门三圣村，饱餐一顿海鲜大餐。前排，晌副刊睇过一篇报导「净化海鲜」，甚么「还原真味」，文中仲提到海鲜净化后都能达至刺身级级食，即喺乜都可以生食，实在令人好奇 。这晚，唔使再好奇，与朋友一同体验依份「净化」真味。卖「净化海鲜」嘅餐厅叫Table，简洁嘅一个名字，位处上环文咸东街柏廷坊。餐厅占大厦全层，所以一出电梯就已喺餐厅入口。大大个啤酒桶上，竖立一个写有「净化海鲜」嘅牌仔，加埋少少贝壳装饰，唔使担心揾错地方 。踏入Table，已感受一份优雅，入门后对正有个酒吧，而主大堂有多组4 / 6人餐枱，另一扇门后又有多组4 / 6人餐枱，简单暗花树枝纹，香槟白枱布，杏色绒面餐椅，配以恰到好处嘅射灯（尤其相机先食嘅年代），加上气氛柔和，嚟晚饭嘅人亦喺斯文人居多，叫人自自动动轻声细语，享受闲适用餐环境。嚟到Table，食海鲜喺必然目的，但翻看完餐牌后，原来海鲜以
卖「净化海鲜」嘅餐厅叫Table，简洁嘅一个名字，位处上环文咸东街柏廷坊。餐厅占大厦全层，所以一出电梯就已喺餐厅入口。大大个啤酒桶上，竖立一个写有「净化海鲜」嘅牌仔，加埋少少贝壳装饰，唔使担心揾错地方 。
踏入Table，已感受一份优雅，入门后对正有个酒吧，而主大堂有多组4 / 6人餐枱，另一扇门后又有多组4 / 6人餐枱，简单暗花树枝纹，香槟白枱布，杏色绒面餐椅，配以恰到好处嘅射灯（尤其相机先食嘅年代），加上气氛柔和，嚟晚饭嘅人亦喺斯文人居多，叫人自自动动轻声细语，享受闲适用餐环境。
嚟到Table，食海鲜喺必然目的，但翻看完餐牌后，原来海鲜以外，又有唔少其他选择。厨师发办（Omakase）由$980起 ，对我哋嚟讲喺一个几「高级」别嘅价钱；而另一个特色小碟试菜（Daily Small Dishes Tasting Menu），一共有13款菜式，每款定价$158，亦能以$580任拣4款品尝 ，依个特色小碟较适合我哋「自主」嘅心态；当然，又想试一试报纸所介绍嘅招牌波士顿活龙虾三食，又喺定价$580。
Norda Still Water $60嚟到一啲高级餐厅，清水自然无免费嘅，高档次嘅矿泉水净喺识Perrier、Evian，今次据介绍喺嚟自意大利嘅Norda（750ml），其实，对矿泉水无咩研究，亦唔会叻到饮得出太大分别，总之清纯能帮助稍后品尝各款菜式时清清味蕾，咁就已好足够。
黑鱼籽蛋沙律多士粒 喺等候上菜期间，先有免费嘅开胃小食，做得精巧嘅多士粒，犹如食法国菜时嘅开胃小品（Amuse Bouche），作用喺唤醒一下嘴巴。多士粒经过微烘，松软外脆，滋味嘅蛋沙律，搭上矜贵咸鲜嘅黑鱼籽，一啖一件嘅份量，的的骰骰，已经唤醒起味蕾进入作战状态 。开胃小食已如此精彩，之后嘅菜式更期待。
面包篮配蕃茄沙沙 晌等待主菜上场之时，面包篮已徐徐送上，有小弟钟意嘅意大利香草包，软熟而带点焦香，意式酥皮条酥香松脆，皆因用「飞佬皮」做，又点可以以脆得交关。面包嘅伴汁喺蕃茄沙沙，新鲜制，蕃茄味鲜活 。由于个意式酥皮条以飞佬皮卷起嚟焗，牛油香味颇重，所以，更要沾多少少蕃茄沙沙嚟食。
跟住落嚟，就喺特色小碟嘅出场，晌13款选择中，都几心大心细，几经店长对菜式嘅介绍，以及考虑我哋嘅喜好，最终拣咗酱油腌生蟹、烟海鳗、法式田螺及蟹饼4道菜式。Kanjang Gejang
由于餐牌中菜式无中文名字，都喺由店长对我哋概略描述，再取其意译为中文，依道韩式酱油腌生蟹，真喺名副其实以生蟹入馔，简单以韩式酱油腌制，蟹肉腌到好透，变成腍腍滑滑，而且，好多鲜橙色嘅蟹膏，入口丰腴，不过，有少少偏咸偏辣 ，事后跟大厨交流时，原来依家个程度已经喺减咸，佢话正宗𠮶啲仲咸多一级所以，未必人人可以接受到。此外，另一有趣地方喺垫底有啲腌苹果及啤梨片，个样好似法式甜品红酒梨咁，不过就咸咸辣辣、带点点爽脆。
Smoked Eel on Rock 这道烟海鳗喺被列为「客人至爱」，果然，亦小4份小碟中小弟至爱，首先卖相已相当有心思，尤其几樖小椰菜配白芝士汁及黑鱼籽，一白一绿赏心悦目，而且味道浓郁咸鲜；另一样配菜醋腌薯仔，薯仔连皮煮，拌油醋，质感挺实，酸香醒胃；至于主角烟海鳗，据介绍海鳗喺属细条嘅BB鳗鱼，外表亮丽光泽，一咬爽滑弹口，但又有啲咬劲，味道油润而富烟熏香味，实在有惊喜 ！
Escargot 好有法国菜嘅味道，法式田螺以精致嘅玫瑰花酥皮衬托，伴以沙律菜点缀，用上和风石砵盛载，感到有一份闲逸宁静。田螺既腍且滑，入口又带少少烟韧，挂满香浓忌廉汁，确喺唔错嘅小碟。
Handpicked Crab Cake 另一道「客人至爱」菜式，蟹饼外表平平无奇，但加入几片青瓜卷及一小束香花菜，卖相再次展现出一份简朴而优雅。蟹饼有半个成人手掌大，煎得金香，将蟹饼一切开，有啲「不得了」嘅感觉，不单只一丝丝蟹肉，更有一抽抽蟹膏，对喜欢食蟹而怕麻烦嘅人一个极好嘅选择，况且，肉鲜膏香，回味无穷，值得推介 。
食过几道特色小碟，都喺时候品尝期待已久嘅招牌波士顿活龙虾三食（$580），以3个唔同嘅食法，体验龙虾嘅真味。如果再想奢华啲，可选择法国蓝龙，但三食价要$880，而且，需4日前预订，以保证提供最佳嘅质素俾食客。
第1食 - Lobster Sashimi 睇报纸有将佢译为「龙虾剌身配日式酸豉油泡沫汁」，将半只龙虾起肉做刺身，晶莹剔透嘅龙虾肉简单配以少少酸豉油泡沫，虾肉鲜爽嫩滑，加入柑橘嘅酸豉油无抢过虾鲜味嘅同时，亦能有提鲜作用，有画龙点精之效 。而碟边放有一小撮厨师自家调制嘅面豉盐，蘸丁点，虾味更突出。此外，小碗内绿色嘅原来喺龙虾脑浆 ，大厨专灯出嚟介绍，出面餐厅唔会做，因为怕唔干净，唔干净就会腥，不过，经过净化后绝对安全。小弟第一次食「虾脑」，真喺要同佢讲声Hello，口感滑滑，几甘饴，但又难讲出味道喺点，有点点食海胆嘅感觉。
第2食 - Shiro Miso Glazed Lobster 另半边龙虾会以日式西京烧嚟处理，虾肉烧得金黄，上枱时即带嚟一点点香气，虾肉入口紧致爽甜，面层搽咗少少白面豉，添加一份惹味；同样，虾头连膏带脑，半溶半凝，几特别嘅体验。
第3食 - Claws served with Salad 剩抵嘅一对虾钳，可以拣配沙律或意粉，我哋拣选前者，沙律简简单单以芽菜苗、洋葱、红萝卜仔为组合，味道新鲜鲜甜；主角当然放番晌龙虾虾钳身上，虾钳拆得干净俐落，加上唔使郁手就大大啖食到蟹钳，喺件几爽嘅事 ，再者，鲜甜嘅虾肉，实在一流。
由于啲特色小碟及活龙虾三食我哋都唔喺太知个份量会喺点，所以，食完依两部份先再点其他嘢。因为今晚客人未算好多，所以，边食边再点菜都唔太耐。Grilled Presa Iberico $360（6oz）
为满足部份人需要，餐厅除海鲜以外，都加入肉类菜式，当然，仍以优质肉类入馔。主打就喺西班牙嘅伊比利亚黑毛猪，有肉肠、风干火腿、猪肩肉或猪腰脊肉嘅选择。点咗烧伊比利亚黑毛猪肩肉，一客薄切只有5大片，净重6安士，就盛惠$360大元，可谓矜贵不菲。店长介绍时，话猪肩肉先慢煮，后烤烧，故此，肉质细嫩软腍，外皮有少少焦香，肉味浓郁，又无太多脂肪，伴上蒜油汁，令味道更富层次。不过，始终价钱唔便宜 ，好食还好食，都喺建议多点海鲜菜式，当然，阁下钱多无掟使就当别论啦，哈哈。
BB Abalone, Linguini Aglio E Oilio $198 都话晌度食海鲜划算，依道鲍鱼仔扁意粉的确做得好食，虽话鲍鱼仔，都唔会「奀黐黐」，由于喺鲜鲍关系，咁就咪期望好似割鲍鲍味咁浓，不过，入口烟韧弹牙，口感一流 ；蒜香扁意粉亦做得啱火候，食落有咬口，蒜香、辣劲兼备 。
虽从不自认为甜魔，但绝对喜欢甜点，所以，甜品时段又喺另一个开心时刻。French Dark Chocolate Tartlet $70
依个细细件嘅黑朱古力小馅饼，绝对啱晒我，黑朱古力味道异常浓香醇厚，甜而不腻，估计坐底黑朱古力用上70%；此外，朱古力馅估唔到挺幼滑 ；加埋薄薄嘅挞壳，实在喺一道称心嘅甜品。伴碟仲有一小球红莓雪葩，酸香清爽，有助清清味蕾。
Croissant Bread & Butter Pudding, Ice cream $70 面包布甸食得多，自己都整过，但一向都只会以普通白面包嚟做，今匀个面包布甸真喺无得弹，以牛角包嚟做，富牛油香不在话下，比普通面包更酥香，部份位置软绵，部份位置松脆；而布甸上嘅云呢嗱雪糕更加入果仁碎，真喺不得不推介 。
Churros, Warm Chocolate Sauce $50 对比起以上两道甜品，虽然Churros依种西班牙炸油条有其特色，但始终有啲比下去嘅感觉。其实，「炸油条」本身都做得香脆，玉桂粉及沙糖都捞得均匀，沾上香浓柔滑嘅朱古力酱都同样好食，只喺无份嘭一
声嘅感觉啫。
从该篇报章内文得知，原来净化海鲜都唔喺咩新嘢，晌欧洲一啲国家早己运用依个技术。而且，个净化过程都几唔简单，要用海盐调配唔同咸淡度嘅净化缸水，过滤器中嘅益生菌又会帮助分解海鲜嘅排泄物及有害微生物，更要因应唔同海鲜种类嚟净化70多个小时 ，真喺一担睇唔到嘅功夫同心机。加上菜式无焗限于一国，创意可无限发挥，而且以食材为本，做法偏向简单，但却从每道菜均可感受到大厨嘅心思表达，让生猛跳动嘅海鲜，活现净化嘅真味，确喺一次有趣味游嘅体现 。
张贴
