河內越式料理

营业中

休息中

今日喺尖沙咀行街，经过一间铺头面积细细嘅餐厅，见到好多人，6点已经接近坐满人，我地估计一定好好食，所以就入去试吓。我一行两人，叫咗一碟「虾酱炒通菜」，通菜好新鲜、香嫩而爽口，热辣辣，即叫即炒，好重虾酱味，仲有小小樱花虾仔，好香口，超正。接着，系「烤鸡」半只，鸡肉好嫩滑，估计系经烤焗过，鸡皮有少少干身，鸡皮好滑，而且有黏黏哋嘅感觉，调味料及香草味吸收晒入去，好好味，超惹味。主食叫左「生牛肉汤檬」及「三宝汤河」，汤底同样系越式风味，三宝包含咗牛𦟌、牛丸、牛肉，好新鲜，好好味。饮品叫咗「冰镇奶茶」及「鲜果沙冰」，2款都好好味，鲜果沙冰真系用新鲜水果制成，即叫即整。埋单合共全餐只需三百多元，真系好抵食。