喜利餅店 (已結業)

上星期，经过禧利街，见到有间新面包店，呢个舖位前身系 Salon 。喺禧利街头，邻近地铁站，人来人往，占尽地利！不过对住马路，有点沙尘滚滚！ 今日经过正式开张！见门口有花牌！反正今朝迟咗出门口，买面包食都好呀！ 店内有三文治、面包及纸包饮品卖。面包属普通货色，不外乎吞拿鱼包、叉烧包、菠萝包、麦包、方包、.........胜在新鲜出炉，由 $4 ~ $8 不等。最平系鸡尾包、大多数面包系 $6；至于三文治 $9 ~ $10，系面包师傅新鲜制造，我见店员喺面包工房即时攞出嚟！新鲜三文治放喺枱面，方便顾客选购！有：番茄蛋、芝士火腿、火腿蛋、吞拿鱼生菜、咸牛肉生菜。另有曲奇饼、芝麻饼、蛋挞........买了三文治及面包做早餐！火腿蛋三文治 $95 款之中，点解我特别买咗火腿蛋？因为我见到盒内有点湿气，相信刚刚炒完蛋，尚有热力才会有点湿气。够新鲜！ 炒蛋加咗盐，微暖，有些少咸味，仲要好厚呀！真系满足！ 火腿就冻冰冰，恐怕无淼过水！ 夹火腿果块方包，搽咗牛油，带点咸香味！方包只系一般质地，未够软熟！吞拿鱼包 $6我问店员边啲面包系新鲜出炉架？佢话吞拿鱼包。事关今日天气冻，想食吓热辣辣面包！ 吞