勝手

营业中

休息中

今日跑完一年一度嘅渣打马拉松　，奖励自己食餐好嘅！酒盗芝士🧀之前喺日本见过系用嚟助酒嘅前菜，系发酵过嘅鱼内脏，加上梳打饼北海道千岁豚肉火锅最出色嘅竟然系个汤底，鲷鱼汤底好香浓，奶白色师傅应该用咗好多时间来烹调！阿妈教落要鲜煎香鱼肉再撞热水先有咁奶白色嘅鱼汤，完全真材真料，完全系细个阿妈煲嘅鱼汤味道！豚肉味道鲜味倍增！配埋稻庭乌冬!盐烧厚切牛舌牛舌够晒厚好有口感，一食就知系牛舌芯，因为很嫩滑！月见免治鸡肉棒自家制鸡肉串加入鸡软骨同埋洋葱🧅加上烧汁和生蛋黄，味道好丰富，而且口感有层次！蟹膏大虾🍤虾兵蟹将，将大虾烧完再搽上蟹膏再烧多次，非常爽口！蟹膏味香浓秘制汁烧豆腐好有惊喜嘅豆腐，豆腐外脆内软，烧汁源源不绝，真系好想问吓师傅系点样做出嚟，Calpis soda好特别嘅饮品，没有酒精成份却有酒精的味道。唔系好多地方有得饮所有菜式都好特别，又有心机，好有日本人对食物尊重嘅文化！而且服务态度好好，即使火锅水都系添加浓鱼汤🤭真心有诚意嘅一间日式餐厅!我比100分日式料理，好耐未食过咁有诚意嘅餐厅！👍🏻