勝記海鮮酒家

营业中

休息中

叫了一个6人餐，复活节假期加假，HKD 2888，另外再加一服务费。第一样黎既系白灼虾，普遍都大只，食得出唔系死虾。配上辣椒豉油，非常不错。呢个炸豆腐非常好食，外脆内软，里面非常滑。师傅话有6种调味粉，就算教识我地，都会懒得煮，所以唔怕比人抄。有红酒榨成份，粉丝唔错，但入面粒「帆立贝」唔掂。我地即场问系咪急冻的，佢地冇承认但都冇否认，净系话散叫同套餐会唔同，散叫会好食d，有d失望。金不换炒蛏子，唔错几入味，个人都系钟意豉椒炒多啲。芝士澳洲龙虾配伊面，佢地话原本系波士顿龙虾，因为假期所以改用澳洲龙虾，加了200几蚊。有冇好食左我就唔识分，不过份量好大，10人食都够分。椒盐鲜鲍鱼，五星推荐，系咁多样最好食，得鲜嫩，唔会韧，又特别！沙巴龙趸，不过不失，平时酒家婚宴水准，冇咩特别。菜也是正常水准。炒饭，其实唔错，不过前面已经食到好饱，所以就唔会好吸引到大家。这个价钱应该是假期西贡中最贵的，不过质素都合格，算系对得起个价钱。服务亦都不错，叔叔很热情。环境很大很舒适，有几层，唔会迫。