OASIS (已結業)

OASIS，位于上环既日本风居酒屋，装修以日本特色街道、店舖设计为主题，好有居酒屋感觉🎎主打串烧、煮物、日式熟食、清酒，仲有特色既熟食 Omakase，一个人独食都得，亦都适合一班朋友聚餐😘一人OMAKASE，食之前加左钱配埋HOUSE SAKE，会拎一盘清酒杯俾你拣，再配返相应既德利(酒瓶)😍非常有HEART，店舖都有唎酒师既Cert，果然系专业清酒店💡HOUSE SAKE都用真澄既纯米吟酿(如果无睇错🤣)唔错既香甜薰酒😎由渍物同沙律开始，沙律新鲜正常，渍物味道几好又开胃，最正系蒜头渍，甘甜好味🤤季节煮物：面豉煮牛肋肉，牛味超浓，甜甜地煮法好突出到牛既味道👍🏻👍🏻好腍好好味，蔬菜都好腍好入味😄到炸物，炸鸡，好酥脆，一啲都唔油，劲嫩滑，肉汁爆发，突出到日式炸物既风味🇯🇵串烧时间，摆盘精致，茄子，外脆内软，烧汁味浓，夹茄子好正😎盐烧鸡翼，好有盐香，配啲柠檬汁，味道唔错，清得黎惹味👍🏻羊肉串，肉嫩而带焦香，配芥末酱好新鲜，几特别，好味😋串烧果然系招牌菜，乌冬幼身弹牙，加埋面豉汤同甜品，好完满既一餐！💟