香港仔君豪魚蛋王 (已結業)

西环良久以来就话系潮州人聚居既地方(到底我系点解会知🤔)所以有好多潮食，打流、卤水鹅、潮式粉面，香港仔君豪鱼蛋皇打住鱼蛋皇既称号，一于试下有几皇招牌巴闭，舖面正正常常啦，唔算大但位都唔迫，开放式厨房见到师傅整面，几好餐厅声称自设工场，汤底有猪骨、老鸡、鱼骨等，有齐潮州四宝，牛腩、杂个啲，都算系齐既试下潮州四宝面先，包左招牌鱼蛋、猪肉丸、粗丸、片头同潮式扎肉(四宝？)，鱼蛋几弹牙口感唔错有鱼味，唔会好粉咁，猪肉丸、粗丸同汤底都系普普通通，唔系唔好味但无咩特别潮式扎肉有惊喜，质地腍，味道好而有肉汁，加埋潮州辣椒油食一流！另一碗试左佢既牛，拣左牛肚面，有料到佢既牛肚唔系一条条细个啲，切得大大块，令到口感非常好，满足感大大提升，加埋汤底加腩汁味好正配埋潮州辣椒油食左先仲正，佢既潮州辣椒油都唔差，几香而有蒜同炒椒味幼面底弹牙，蛋味、砚水味都唔太觉，整体都算几好啦果然系西环食潮式野都普遍几ok，价钱系粉面黎讲唔平，自决啦#中途有人放低二百蚊买净杂#揾食艰难要卖埋鸡饭#老板一直饮住啤酒爽