札幌拉麵 Miso No.1 x 辛味屋

营业中

休息中

今晚同朋友去左荷里活间uniqlo睇冬季衫🧥🧣, 顺便系果边食埋晚饭, 经过E间拉面店见到个晚市2人餐好似几抵食咁, 于是就入去试下! 餐厅未够7点已经好多人食紧, 地方唔算十分大, 但环境整齐企理😊! 我地点左一个2人餐, 入面包左两个主食🍛🍜同三个小食🥟!煎饺子🥟饺子皮煎到金黄色, 肉汁依然锁住, 味道唔错!炒鱿鱼须🐙炒鱿鱼须惹味得嚟, 口感弹牙烧鸡软骨/鸡翼🐔（各2串）盐烧鸡软骨好香口, 口感爽脆，鸡翼外脆肉嫩，味道刚刚好, 唔会太咸盖过鸡翼原有味道!杂锦拉面🍜入面有蟹柳, 猪软骨, 叉烧同鸡蛋, 仲有好多粟米海带等配料, 面条爽口弹牙, 而且份量几多!谂唔到叫边款拉面嘅朋友仔都可以试下!滑蛋猪扒饭🐖🍚滑蛋炒得刚刚好仲有少少蛋汁, 食落几滑!猪扒外脆内软, 炸粉唔厚, 加埋少少蛋汁黏系外皮上面, 令表皮香口得嚟又带一点甜味!