皇室盛宴 (已結業)

上个月公司爆数，又撞正圣诞节，公司就叫我揾个地方可以包到场成班同事聚下， 当系慰劳下各位同事。因为要夹埋夜间既同事收十点半，所以都几难揾餐厅，有两三间听到十点半开始已经话唔接，其他几间就直程无回覆，唯独系呢间愿意花时间倾，比完个预算佢都尽可能满足到我既要求，前前后后都联络左好几次，先系倾menu、倾run down、倾decoration等，比到我一个感觉系好想我黎试下。当晚有部分同事十点半就到左，我系第一批到，等埋其他同事收工过埋黎成十一点先开始食。一开始有位韩国仔帮我地铺巾，起菜前安排左个cocktail表演，每人一杯。前菜有餐厅极力推介既煎西瓜、鹅肝沙律同白松露酱带子刺身。呢三款前菜既卖相都okay，最钟意系带子刺身，好好味，肉质好滑有少少似入口即溶既感觉。煎西瓜第一次食，煎到外皮有点焦，感觉唔太似食紧西瓜，一时苦苦地一时甜甜地。餐汤系野菌汤，味道都okay，好重菌味好多菇肉。主菜分别有牛、羊、鱼同虾，鱼既摆设比较吸引，用左红莓汁做底，捞埋鱼肉一齐食味道比想像中okay，酸酸地反而带出左条鱼既鲜味，想法创新。另一款主菜只虾既卖相就比比较简单，味道方面都okay，够香口咬落都几弹牙