滑嘟嘟

营业中

休息中

去大埔墟街市食晏，之后经过滑嘟嘟，谂住买盒糯米糍做下午茶。但呢间嘢试过就算，因为包糯米糍个女人态度劲差。我后面有个auntie 问芝麻糊使唔使排队，个女人就喝佢去另一边，之后有人唔知问乜，佢又话我哋夜晚9点先收，而家手就得一对。好啦咁差唔多到我哋买，6粒食唔哂问佢有冇得散买，佢又闹话逐个逐个嚟，我其实都系费事到时冇得散买，要谂又畀你小先想问定啫，咁你哋3个人都系答一答。至于佢哋嘅糯米糍唔系我杯茶，馅系多但好散，皮好痴手，食到好论尽。以前喺马路位态度唔系咁差嘅，而家出咗名可以闹客啩，不过算啦，反正佢都唔志在。