香港永年車仔麵茶冰廳

营业中

休息中

咁啱放假，老公话带我食好西！原来系永年⋯呢间永年真系同平时去开𠮶啲永年士多唔同，佢嘅装修以香港怀冰室为主，而且食物选择亦好多，除咗招牌车仔面之外，仲有小菜、铁板餐；另外，仲有代表香港嘅菠萝包、蛋挞等等⋯呢度有别于一般嘅冰室，佢系用QR code自助下单，啱晒我呢啲麻烦友，可以自己慢慢点😝今次我哋点咗女神面、铁板西冷牛扒、怀旧虾多士、油菜、抹茶红豆冰同樽仔奶茶。女神面，有大大块花胶之余仲有猪手，突然觉得补充咗好多骨胶原😍除此之外，仲有萝卜、紫菜、支竹球、冬菇同菜芯，其实已经好丰富，但我再额外加咗猪红同牛筋，真系好满足！佢个花胶真系好正，大大块之余仲好厚身，口感唔错。再配上永年特制辣汁，简直冇得顶👍🏻铁板西冷牛扒配薯菜，块扒我哋点咗五成熟，牛肉肉质松软多汁，再加多咗一份油香，配埋洋葱汁，perfect！不得不提个虾多士，嚟到仲系热辣辣好新鲜，多士炸得甘香酥脆，外脆内软，配上爽口弹牙嘅虾滑，真系惊喜之作，再加上沙律酱，中和咗虾多士嘅油腻感，十分推介！餐饮方面，我哋拣咗樽仔奶茶同抹茶红豆冰。樽仔奶茶唔会因为加咗冰而令茶味被冲淡，饮起嚟比一般的冻奶茶更浓郁，不过就略嫌甜咗少少。而抹茶红豆冰，抹茶