宮崎日式燒肉店 (已結業)

烧肉烧肉烧肉烧肉！！！今晚大脑忽然响起想食烧肉嘅魔曲！于是就平平哋食个宫崎，胜在价钱吸引，肉类选择多，而且仲有刺身食，间场清清味蕾又几唔错！｜和牛｜黑椒薄切牛舌、一口牛粒、牛胸腹同薄牛，一整盆都系牛牛牛，单睇色彩经已好吸引又juicy！牛味一啲都唔马虎，质素中上！牛舌虽然系薄切，但口感好好，牛骚味浓！另外一口牛同牛胸腹嘅脂肪分布亦十分平均，日本牛嘅质素果然不同凡响，基本上啖啖都入口即溶！相对地，薄牛比较瘦，但入口同样香浓！ ｜走地鸡｜鸡肉好细嫩，分别有蒜香、蜜糖、芥末、胡麻同法式香草5味！5款我都试晒，大爱蒜香及蜜糖，两者都腌制得异常出色入味，喺烧嘅过程中，经已散发出阵阵香味！口外甜甜嘅蜜糖亦相当惹味！ ｜刺身｜刺身方面只喺单点咗三文鱼同甜虾，最重要嘅一点－新鲜，佢都做到！三文鱼仲相当肥美！