影片
更多
2024-11-13
0 浏览
今次同屋企人一齐嚟再食家嫂，水准依然👍前菜同之前有少少唔同，有几样都几好食，款式比以前多，试咗几款，招牌炒蚬，冇影晒出嚟。秘制香脆花生，呢个花生我几钟意食，够香脆又辣辣地。呢个皮蛋，上高有啲酸姜蓉、酸萝卜，配埋一齐味道唔错。明太子螺肉，上面有啲芥辣沙律酱配起嚟味道都几好，好开胃。烧鳗鱼，都算肥厚。盐烧鸡中翼，烧得几靓几香口。松露虾多士，卖相都几好，不过上面嘅沙律酱多咗啲。椒盐白饭鱼，呢个略嫌唔够香口。刺身拼盘，每一款都好冰冻、好新鲜，要留意嘅系佢有新鲜嘅沙律菜半碟，可以食埋。食完小食同刺身之后，就轮到鸡煲。屋企人就嫌啲鸡嚡咗啲、同埋切碎得滞，所以我系食得最多鸡嘅一个😂。我觉得味道几好。上咗个海鲜火锅拼盘，全部海鲜都几靓就几新鲜，鲍鱼仲系郁嘅。蟹系最鲜甜就最好食嘅😋薄切肥牛，食到呢度其实已经好饱，比平时食火锅今次食嘅牛肉算系最少。家嫂当然仲有好多自己煲嘅饮品、7:30后有红白酒、日本清酒任饮，冇影晒出嚟。总之，家嫂嘅任食鸡煲火锅，系我最赞赏嘅，而我亦会推介俾我嘅朋友。四百几蚊、又咁多嘢食、食物质素同环境都好好，而且服务都好好，所以每次嚟都见到好多人。今次带埋屋企人嚟佢哋都好满意😊
前菜同之前有少少唔同，有几样都几好食，款式比以前多，试咗几款，招牌炒蚬，冇影晒出嚟。
秘制香脆花生，呢个花生我几钟意食，够香脆又辣辣地。
呢个皮蛋，上高有啲酸姜蓉、酸萝卜，配埋一齐味道唔错。
明太子螺肉，上面有啲芥辣沙律酱配起嚟味道都几好，好开胃。
烧鳗鱼，都算肥厚。
盐烧鸡中翼，烧得几靓几香口。
松露虾多士，卖相都几好，不过上面嘅沙律酱多咗啲。
椒盐白饭鱼，呢个略嫌唔够香口。
刺身拼盘，每一款都好冰冻、好新鲜，要留意嘅系佢有新鲜嘅沙律菜半碟，可以食埋。
食完小食同刺身之后，就轮到鸡煲。屋企人就嫌啲鸡嚡咗啲、同埋切碎得滞，所以我系食得最多鸡嘅一个😂。我觉得味道几好。
上咗个海鲜火锅拼盘，全部海鲜都几靓就几新鲜，鲍鱼仲系郁嘅。
蟹系最鲜甜就最好食嘅😋
薄切肥牛，食到呢度其实已经好饱，比平时食火锅今次食嘅牛肉算系最少。
家嫂当然仲有好多自己煲嘅饮品、7:30后有红白酒、日本清酒任饮，冇影晒出嚟。总之，家嫂嘅任食鸡煲火锅，系我最赞赏嘅，而我亦会推介俾我嘅朋友。四百几蚊、又咁多嘢食、食物质素同环境都好好，而且服务都好好，所以每次嚟都见到好多人。今次带埋屋企人嚟佢哋都好满意😊
张贴
