御滿屋日本料理

营业中

休息中

荃湾大鸿辉中心有好多不同种类嘅餐厅，今晚冇食午餐好肚饿，所以决定试吓喺10楼嘅「御满屋日本料理」。而家可以经inline网上订位，方便度更胜之前。餐厅主打日式放题，今次试咗佢哋最平嘅套餐，性价极高，下次一定要试吓高级啲嘅套餐。餐厅设有小食区，饮品区和甜品区，全部都系任饮任食。小食和饮品种类繁多，有我最钟意嘅八爪鱼仔，海带，响螺和海蜇，而且连日本清酒都系任饮。虽然我哋今次拣咗最平嘅套餐，但食物种类都好多。刺身我哋叫咗带子、甜虾、阿根廷赤虾、泰式生虾、希灵鱼、北寄贝、油甘鱼、三文鱼、八爪鱼、松叶蟹棒，还有我最钟意嘅剑鱼，而家剑如唔系好多地方都有得食。刺身有冰承载着，确保新鲜，值得一赞。我哋仲叫咗烧左口鱼寿司，芥末八爪鱼军舰，和花之恋。而最令我惊喜就系呢个价钱居然有海胆手卷。食完刺身，当然要试吓佢哋嘅烧物，今次叫咗烧羊架，串烧牛舌，盐烧比目鱼、烧鸡翼和烧生蚝。火喉控制得好好，最欣赏系比目鱼，Encore咗几次。L除咗日式，原来仲有中式食物，叫咗个姜葱炒蟹，蟹肉羹，估唔到都好高质素。甜品区里面有好多种类嘅雪糕，居然有Movenpick 和Häagen-Dazs，食埋甜品真系超满足。