茶記冰室 (已結業)

今晚咁冻，梗系食羊腩煲喇，羊腩煮得好淋，好入味，完全冇膻味，其他配菜都好好味，有马蹄（爽呀）、枝竹，食完个胃温笠笠又补下身。另外，蒜蓉粉丝蒸虾，虾好新鲜，蒸到啱啱好，配埋蒜蓉粉丝一齐食，真系我既最爱！我地叫左半份麻辣鸡煲小辣，连炉一齐上，可以一路滚一路食！岩晒咁冻嘅天气食！用料丰富，有洋葱、蒜头、唐芹，仲有超多鸡件！小辣的辣度好微，易入口！整体感觉好香口，鸡肉又滑嫩！食肉之外都要食菜🤤叫个西兰花炒花枝片，一上碟就闻到好香蒜蓉味！即叫即炒，热辣辣！花枝片爽口，唔会好似食香口胶咁，咬唔开，再配搭充满蒜蓉汁的西兰花一流！见到个𩠌名叫千岛伴鬼马咁盏鬼，仲有推介星星，当堂就嗌咗碟嚟试试有几鬼马！一上菜就闻到好香千岛酱味，即刻就夹咗旧落碗，咬开原来系墨鱼胶酿系油炸鬼入面，口感够哂爽口弹牙，加埋千岛酱，送饭一流！另外仲叫咗碟豚肉扒玉豆腐，卖相同menu上张相一模一样，都系咁吸引！微炸过嘅玉子豆腐外脆内软，同菜心梅花间竹咁摆碟，面头再淋上同台式肉燥相近嘅豚肉汁。一碟𩠌又有菜又有肉，一次过满足哂两个愿望～