影片
更多
2010-08-18
47 浏览
今晚无端端返咗屋企都走返出街食饭，漫无目的咁嚟到信芳一带，观察晒附近嘅食肆，原本想去「金潮小厨」，但系 20:00 呢个闲日时段实在爆得太夸张，门口等位嘅人几乎相等于食肆内嘅人客数量，所以唯有放弃，结果就去咗「新丰记」。 次选「新丰记」，因为附近食肆系呢间最多人，而我走埋去又唔驶等位，再加上佢嘅装修令我觉得佢会顶呱呱，所以入去坐低，但原来又中招。 同老婆两个人叫咗三个𩠌： 一、墨鱼鹅肠。无乜味道，觉得好嘅系啲墨鱼并非硬硼硼𠮶种，但价钱比荃湾食得贵，份量又比较少，连味道都唔系特别好，咁就真系唔值； 二、辣酒煮花螺。一上枱好有期待，因为好神悉咁出晒烟。但系一打开个煲盖，冲口而出就弹出一句：「有无搞错？」个煲本身已经系细，仲要唔够半煲。如果系美味的话都仲可以安慰自己「小食多滋味」，但系辣酒唔辣、酒无酒味、螺又细粒又无味道，如果唔系望住自己放咩入口，然后加上幻想力，啲螺同黑鱼嘅口感系一样，但唔会分得出食紧咩嘢。 三、椒盐鲜鱿。经过两道菜嘅心理调较，已经预咗呢个𩠌个 Size 都会系好轻巧，结果一如所料。好嘅系上碟都算干身，碟底唔会有剩油，但系呢，就一啲都唔香口，卖相亦都只系普普通
次选「新丰记」，因为附近食肆系呢间最多人，而我走埋去又唔驶等位，再加上佢嘅装修令我觉得佢会顶呱呱，所以入去坐低，但原来又中招。
同老婆两个人叫咗三个𩠌：
一、墨鱼鹅肠。无乜味道，觉得好嘅系啲墨鱼并非硬硼硼𠮶种，但价钱比荃湾食得贵，份量又比较少，连味道都唔系特别好，咁就真系唔值；
二、辣酒煮花螺。一上枱好有期待，因为好神悉咁出晒烟。但系一打开个煲盖，冲口而出就弹出一句：「有无搞错？」个煲本身已经系细，仲要唔够半煲。如果系美味的话都仲可以安慰自己「小食多滋味」，但系辣酒唔辣、酒无酒味、螺又细粒又无味道，如果唔系望住自己放咩入口，然后加上幻想力，啲螺同黑鱼嘅口感系一样，但唔会分得出食紧咩嘢。
三、椒盐鲜鱿。经过两道菜嘅心理调较，已经预咗呢个𩠌个 Size 都会系好轻巧，结果一如所料。好嘅系上碟都算干身，碟底唔会有剩油，但系呢，就一啲都唔香口，卖相亦都只系普普通通。
三个𩠌连一枝啤酒，两个人 HKD162.00 埋单，俩公婆都觉得唔抵，因为荃湾食开一间，份量 / 味道 / 价钱，甚至坐位环境都比呢度优胜，所以食唔饱都已经唔想再叫，只有打算再去其他地方填饱个肚。
服务方面，企喺街头时候，叔叔好好礼貌咁介绍，唔错，我指明要个凉快嘅冷气位佢都俾到我。但系当落咗 Order 之后，另一位姨姨就叫我转枱，让将四人枱俾一行三人嘅食客，但问题在于，佢间舖系仲有其他位。
呢间食肆虽然唔系太大，但隔离对面一共三间铺位，所以有两个啤酒 Promoter，一个靓女醒目，一个就一旧饭咁，我一坐低，碗筷都未有，睇紧 Manual 食乜𩠌时候就冲埋嚟要我 Order 咗佢啲啤酒先，真系本末倒置。我要饮酒就去咗酒吧啦。靓女一个就醒目好多，等我叫晒𩠌先埋嚟，一边倒酒一边就已经 Sell 定我下星期要再去帮衬，因为有奖抽，礼物好丰富咁话㖞。
但总括嚟讲，食物质素虽未致于好难食，但系比预期差一大截。而且食饱离开之后，就发现我因为著短裢而已经唔知俾咩咬到对脚一粒粒，好痕痒。
张贴
