川之味麻辣米線 (已結業)

喺太子食米线，除左乜哥米线呢个选择外，不得不提呢间川之味，认识佢系有赖我有个入得厨房出得饭堂嘅女友，佢除左钟意入厨房…揾野食之外，喺每一区都揾到饭堂，川之味就系其中之一间饭堂嘞，今日自己一条冷，天气又凉凉地，都系食碗米线暖下胃先，上次食过麻辣就怕怕，怕系只怕会上瘾，所以今次食酸辣汤底，唔知系咪因为酸辣考工夫啲，28蚊唔包送，叫送另外钱，唔紧要，哥有的是本钱(发紧梦)，好！就叫左猪软骨酸辣米线(不加辣)一上枱同乜哥果度啤米线好唔同，睇佢汤底好似日本果啲酱油汤底咁，点知呷一口，好似阿嫲成日个：好孙(酸)!并唔系酸得过份，佢嘅酸打开你嘅味蕾，完全感受到酸同米线混为一体，而最考妙系化解猪软骨嘅肉腻感猪软骨简直系天使同魔鬼嘅化身，猪肉唔会因为烹调时间长而变得粗鞋仲好稔身，而佢猪软骨部分，经呢度嘅师傅煮完，入口即溶，好似中左化骨绵掌咁，啲骨胶原真系只溶喺口，唔溶喺…汤，好想再食多旧…食到呢度，好似唔系几够喉，叫埋个香草鸡翼30蚊有6只，我就唔食咁多嘞，话晒都系下午茶，收敛啲，叫左3只黎食，嗯，香系几香，不过略为唔够入味，但化骨猪软骨系我唯一嘅选择！