川之味麻辣米線 (已結業)

#fatfat食在太子📍太子通菜街212號地舖呢幾日米線關注組最高話題就係呢間麻辣米線事源一直人氣高企既小店突然宣布𝟹月底結業然後一班谷友就話呢間係世一 必食 飯堂💯所以結業前一日去會一會呢間傳說中的米線未到門口 已經見到長長人籠排左兩個鐘 終於排到去門口落單買外賣🫣姐姐仲溫馨提示宜家落單都要 𝟸-𝟹個鐘先有喎有個哥哥仔尋日落單今日𝟻點半拎 最後都要等成個鐘好可惜必食既豬軟骨 餃子 雞翼全部賣哂🥲既然都嚟到 咁都試一試佢既米線同麻辣湯底-川之味的辣度🌶分成大(加$𝟹)、中(加$𝟸)、小辣小辣再分為十級 既𝟷-𝟺(唔洗加錢) 𝟻-𝟷𝟶(加$𝟷)網友表示絕對唔可以睇少呢間既麻辣-👧🏽 雞肉蘿蔔漿爆牛丸一小辣 (譚仔指標十小辣)其實飲到湯底唔錯 可惜麻辣味蓋過哂鮮味愈食愈麻 但唔需要一邊食一邊灌水可能太好生意 連配菜都賣哂？ 得幾條韭菜🥹米線口感爽口彈牙 有驚喜雞肉正常發揮 漿爆牛丸無爆醬 唔夠彈牙蘿蔔好好食 👦🏻 食開爽口既都覺得好食腍得嚟唔會一夾就散 仲要無渣-👦🏻 腩肉豬潤炸醬鯊魚丸二小辣(譚仔指標小辣)完全無問題🌶 只有麻既感覺 無食到出汗仲可以灌湯落肚 無難度一致認同米線無得輸 腩

好多謝葉公子+ 02🐴排4個鐘買外賣🥡11am-4pm係愛啊～哈利💕 一完最後一吃嘅夢😭31/3係最後一日營業好多朋友仔話聽日都想最後一衝🤤必叫：豬軟骨、墨魚頭（好食過榮X)、黑栢葉、竹笙⚠️請留意豬腸係薄身款架，唔係肥腸⚠️其他款配料就求其喜好💕 另一款必叫就係「雞翼」🍗無論你中唔中意食辣，你覺得三哥/譚仔好食😋咁川之味就係世一！好似𝚅𝚒𝚎𝚗𝚗咁中意食辣🌶大辣絕對係你必叫🥳 同三哥/譚仔特辣再加辣都冇料到嘅你…..仲唔去挑戰下😱希望休息過後會再開返啦😭😭萬般捨不得😭😭如果大家中意俾個like支持下🤟🏽 𝗖𝗶𝗮𝗼~🌶川之味麻辣米線 (太子)🌶太子通菜街212號地舖#麻辣米線 #米線 #網紅米線 #大辣川之味🌶嘅朋友仔一齊食 #太子美食 #港式小鍋米線 #港式米線 #肥dodo食記

川之味會於3月31日結束營業決定好好紀念呢間世一既豬軟骨然後暗暗期盼佢會重開·呢星期排左兩次川之味第一次聽到結業時 仲唔洗排隊第二次11:45開始排隊 · 13:45取米線別人笑我太瘋癲 我笑他人看不穿豬軟骨依舊世一滷得入味 · 肉質軟腍軟骨位呈啫喱狀佢地其他既滷水系列真係好出色佢地既麻辣湯底真係辣得起勁 成日會想挑戰自己 然後就會秒速後悔所以我相信自己係想食滷味多過想食米線😆༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ఌ小小總結：慶幸係佢結業前仲食到多一次豬軟骨所以大家有想食就好食喇到結業先黎後悔食得太少🥲如果大家想食好食既豬軟骨米線推介葵涌既雲南小鍋😆佢地豬軟骨都好出色

傳聞做到月底會關門，都係果個原因：業主加租，乜嘢時世⋯叫咗酸辣雞肉米缐，另外一個特辣腩肉米線，果然係勁辣，個人都係鐘意酸辣湯底多D，酸辣比例剛剛好，最緊要飲完唔會口渴⋯今日雞肉好滑，而且有肉汁，米線好彈牙，真係好正⋯⋯

其實之前食過幾次，但唔知點解今日好似唔同晒⋯首先門口有好大陣臊味，聞到有D反胃，叫佢咗酸辣鷄肉米缐，食第一啖覺得個米缐好似太淋，冇咗平日彈口，啖湯係保持水準之作，不過唔知點解今日個湯底好似有D油咗，而雞肉就冇乜特別，不過配襯米缐係可以嘅⋯或者要過一排先會再嚟試下次⋯

平日2點黎食都已經要排隊。外賣同樣有人龍，利害。今次叫咗麻辣雞翼6隻、豬軟骨米線2小辣、雞肉米線2小辣。雞翼麻味十足，唔錯！米線方面，味道正常，2小辣都好辣，辣過譚仔2小辣。總結，有空閒時間可食，因等位同等上菜嘅時間都頗耐，大概30分鐘。同埋未食曬，店員都開始催你走人。

作為米線關注組一員，當然要朝一朝聖啫，就好似點都要去老闆娘到排一次隊咁😂😂嗌左2碗米線試下，大碗個碗$72，另外嗌左個墨魚頭雞肉竹笙就$56，再嗌左多一個小食👉🏻鴛鴦雞翼食落米線都爽口，湯底就冇乜特別，當係打左個卡囉😂😂無話好令人驚艷既感覺

豬軟骨牛筋麻辣米線$48.喺米線group 見到有間米線好出名，即刻去走去試下，睇開我食評都知我食開酸辣，但餐廳剩係得麻辣😳下次去一間餐廳前真係做多啲research先。.本身諗住叫小辣，店員即刻阻止，話好辣奉勸我地叫五小辣，甘梗係聽佢講啦，事實證明佢係岩嘅，食頭個幾啖都還好，越食就越辣😫😫不過佢除左辣之餘係有香味嘅👏🏽👏🏽.好啦，到講一講個餸，米線群啲人話豬軟骨喺必叫，而且經常冇貨所以我就叫咗豬軟骨同埋牛筋，兩個都好入味，好淋，好香，諗起我而十都流緊口水😜😜.Cp 值及夠飽: 其實都幾大碗，不過因為太辣，食唔哂，價錢就中等啦，係食質素.翻啅:我因為唔係太食麻辣所以未必再去，但各位鐘意食麻辣嘅一定要去，豬軟骨無貨可以叫牛筋，兩樣都有就梗係兩樣叫哂啦

未行到去已經見到門口既人龍，但嗅到香噴噴既麻辣味同烤雞翼味道，太吸引我地啦，雖然趕時間，但都決定排隊。入到去地方雖小但勝在環境尚算亁淨利落，不過如果枱與枱之間距離可以闊啲會更加好。我地叫左兩碗麻辣米線，一碗叫左墨魚頭同豬軟骨，另一碗叫左炸醬同冬菇，仲叫左有一份香草烤雞翼。麻辣🌶米線🍲麻辣湯底，叫左五小辣香濃而辣得過癮，好味😋配料方面，墨魚頭🐙，爽脆，豬軟骨🐷，大大件又入味，而炸醬甜甜地又幼滑，冬菇🍄，又爽又入味。香草烤雞翼外脆内嫩有肉汁，仲熱辣辣，稍為遜色有少少焦左。

態度惡劣一個人去等位排左20分鐘，當佢叫左我後面的3位入座，我就問點解一位要等咁耐，原來係唔俾一位食既點解唔早講然後求其俾個門口空左20分鐘既位最後一肚氣唔食走人

嚟過呢間米線店食咗無數次，因為本身喺太子上堂，呢一間都算當地的熱點，排隊往往都要半個小時，足以證明呢間米線係幾咁出名。叫咗個自己最愛嘅墨魚頭、滷水豬腸三小辣米線，加多三隻香草雞翼，墨魚頭爽口，數量較多，食得出係新鮮嘢，滷水豬腸滷得夠入味，豬腸裏面冇晒肥膏，只有豬腸皮，啱晒我呢啲成日口號減肥嘅人，不過呢間野嘅滷水真係做得唔錯，仲有好多選擇，例如豬軟骨、豬手等等，食過真係會再encore。雞翼唔係炸嘅，係真係即叫即烤，所以時間要多少少，香草味夠，雞翼雖然唔係好大隻，但係好入味。只要最緊要嘅湯底，但食得出辣得有層次，如果鍾意食辣嘅或者係四川米線嘅人士就不容錯過。

今次係我第二次去食呢間米線我係朋友介紹之下得知呢到諗住平日下午茶時間應該可以即時入座點知都要等5分鐘左右😂😂可見生意唔錯👍🏻👍🏻有人氣因為無食午餐所以勁肚餓 叫左個四餸麻辣米線雞肉 豬血 竹笙 芽菜叫左三小辣 （朋友提醒三小辣已經好夠）但係我覺得下次可以挑戰再辣d 🔥 我最中意豬血同竹笙 好好食 食極都仲有咁 堅係好足料 食到我好飽飽 湯底又香濃又好味侍應又招呼得唔錯 會講下笑 有人情味

食lunch 不用等位 直接入唔可以叫單餸豬軟骨 姐姐話唔夠賣 要雙併豬軟骨 墨魚頭 大辣豬軟骨 豬腸 4/10 辣豬軟骨好淋好好味 真係勁推墨魚頭係爽的 都值得推介豬腸夠味平時食開譚仔中or 大辣，係川之味大辣都ok 香草雞翼凍檸樂 都係+9 抵

夜晚8點左右去到，要排隊等左15分鐘左右Keep住都有人排隊真係好多人食入到去牛肉已經話賣晒下次要再去試點餐朋友提我個辣度都幾勁叫我唔好衝動😂份量超大，麻辣好好食唔係味精底1小辣去2小辣係跳躍式😂😂

係social media米線關注組人氣爆燈既川之味～有好多特別既配料，加上⚠️呢度呢辣度係超級無敵辣我地係譚仔食開三/五小辣，諗住叫呢度既小辣4級都okay啦點知真係唔okay, 辣到飛起呀～ ˃̣̣̥᷄⌓˂̣̣̥᷅下次叫小辣1就算了。雖然係辣，但湯底有種魔力，會令人好想再食♨︎ 豬軟骨配豬潤 (小辣4級)豬軟骨係必叫的～  滷過既豬軟骨好入味有入口即溶既感覺，推薦！(* ⁰̷̴͈꒨⁰̷̴͈)配料份量都好多♨︎ 滷水豬腸配黑柏葉 (小辣4級)滷水豬腸同黑柏葉都係推介配料之一滷水豬腸一樣好入味，亦無臭腥味 ᵔ◡ᵔ而黑柏葉就無咩特別，不過係出面好少見有呢款配料♨︎ 香草烤雞中翼有驚喜✨ 即叫即整，需時比較耐但值得等一上碟就聞到好鬼香～( ꒪̇ꌂ̇꒪̇)香草味道好出，烤得外皮乾身而內裡juicy♨︎ 香滑豆漿都係人氣之選，配辣米線岩哂呀