Pickabowl (D2 Place ONE)

营业中

休息中

今日同四位同事食lunch，大概1:30去到，现场夹埋我哋有六个客人，用手机落单之后开始等。15分钟之后其中一位同事觉得好耐所以走去问点解咁耐，根本上𠮶两位店员系未开始做我哋嘅单，呢位同事问完𠮶两位店员开始黑面，佢哋喺做order嘅时候系刻意好大声咁放低啲盘，系嘭嘭声，用工具夹食物嘅时候都系刻意撞到啲边位，制造好多不必要嘅声浪，相信系表达比同事催促之后嘅不满。好难相信有呢一种前线嘅工作人员，呢间餐厅系整洁食物质素唔系差，可惜店员嘅态度我不敢恭维，我唔会推荐俾朋友，自己亦永远都唔会再进入呢间舖头。嘢食几好都冇用，店员连基本嘅行为都有问题，百几蚊一个午餐食完都背脊骨落。食物质素系要好，店员都系非常重要。