影片
更多
2021-05-10
1804 浏览
母亲节嘅第二朝就要考试，唯有唔喺正日庆祝。于是，前日就同爸爸妈妈去呢间古琴雅苑，食我哋最钟意食嘅北京填鸭，当系母亲节晚饭。🦆烤北京填鸭（半只）$185 三个人share半只烤北京填鸭食好够食。呢度嘅北京填鸭肉质细嫩，肥而不腻。鸭皮好脆之余，鸭肉亦都唔鞋。加埋青瓜、哈密瓜、京葱、京酱同埋蜂蜜黄梅酱，以好薄嘅鸭卷饼包住，就变咗一道人间美食。我个人唔太钟意食京葱，所以就冇落到京葱。青瓜同哈密瓜嘅清新，鸭皮嘅香脆同油香，酱料嘅甜味，对我黎讲缺一不可。一口咬落去，无论系味道定系口感嘅层次都非常丰富，令我一件接一件咁食。另外，店员亦都会切咗几片香脆嘅鸭皮，可以就咁点砂糖食，估唔到竟然会有入口即溶嘅口感，食咗之后仲齿颊留香。🐟风味松子鱼 $238松子鱼系原条咁上嘅，然后店员会喺我地面前将松子鱼剪开一份份，方便进食。松子鱼炸得好香脆，估唔到淋上甜酸嘅酱汁之后都唔会变淋，仲系好脆。入面嘅鱼肉亦都非常嫩滑，好好食。🥬蒜子干贝时蔬 $82呢个系我话一定要叫嘅，因为食咁多美食，唔可以唔食啲菜。而个菜我都希望系相对清淡少少嘅，所以就拣左呢个唔系炒，而系上汤嘅蒜子干贝时蔬。干贝份量都几多，而时蔬系菜心。菜心软硬度
🦆烤北京填鸭（半只）$185
三个人share半只烤北京填鸭食好够食。呢度嘅北京填鸭肉质细嫩，肥而不腻。鸭皮好脆之余，鸭肉亦都唔鞋。加埋青瓜、哈密瓜、京葱、京酱同埋蜂蜜黄梅酱，以好薄嘅鸭卷饼包住，就变咗一道人间美食。我个人唔太钟意食京葱，所以就冇落到京葱。青瓜同哈密瓜嘅清新，鸭皮嘅香脆同油香，酱料嘅甜味，对我黎讲缺一不可。一口咬落去，无论系味道定系口感嘅层次都非常丰富，令我一件接一件咁食。
另外，店员亦都会切咗几片香脆嘅鸭皮，可以就咁点砂糖食，估唔到竟然会有入口即溶嘅口感，食咗之后仲齿颊留香。
🐟风味松子鱼 $238
松子鱼系原条咁上嘅，然后店员会喺我地面前将松子鱼剪开一份份，方便进食。松子鱼炸得好香脆，估唔到淋上甜酸嘅酱汁之后都唔会变淋，仲系好脆。入面嘅鱼肉亦都非常嫩滑，好好食。
🥬蒜子干贝时蔬 $82
呢个系我话一定要叫嘅，因为食咁多美食，唔可以唔食啲菜。而个菜我都希望系相对清淡少少嘅，所以就拣左呢个唔系炒，而系上汤嘅蒜子干贝时蔬。干贝份量都几多，而时蔬系菜心。菜心软硬度煮得适中，唔会太硬，好啱我食。配埋干贝，会有咸鲜味。
🐥十三香农家鸡 $125
农家鸡以煲仔上，一上台嘅时候仲热辣辣香喷喷。鸡件份量都多，鸡皮都几香脆，鸡肉嫩滑。我同爸爸妈妈都钟意食。
请爸爸妈妈食左一餐好食嘅中菜去预祝母亲节，妈妈都好满足，真系多谢佢咁体谅我要考试，唔要求我正日庆祝。真系世上只有妈妈好。
张贴
