北京老家 (已搬遷) 新店位置

听闻话北京老家装修好有风格同特色，所以拣左依度为朋友庆祝生日。台下面有一个鱼缸，食饭时望下，心情都愉快d。鸡丝粉皮， 粉皮比较厚， 一般。蒜泥白肉， 同头先个鸡丝粉皮嘅汁一样， 所以相比下最好就拣返蒜泥白肉， 因为啲肉比较滑啲。素鹅都几好，皮较脆。凉拌薯仔丝， 本身有啲醋调味酸酸地几开胃。 半只片皮鸭， 一上枱时有啲吓咗一跳，因为份量比较少，但系佢冇乜肥膏所以都ok。葱爆猪肉,ok白菜饺子好一般。压轴就系拔丝苹果， 但认为最好都系拣番拔丝士多啤梨，因为拔丝苹果个口感有啲奇怪。