湘湘娘娘 (已結業)

餐厅地址位于北京道，距离地铁出口大概5分钟路程，行过去非常方便，去到楼下按8/F便可以到达🤣🤣🤣 我同朋友今日系过嚟食lunch，同店员confirm咗Booking之后就可以入去，非常方便，午餐时间都非常多人，如果大家嚟嘅时候不妨book位！餐厅位置非常开扬，同家人或者朋友嚟聚餐非常好，餐厅望出去仲有一个靓景，好好彩店员安排咗我哋坐窗口位，可以望住个靓景食lunch，非常唔错😝😎😎😎 望住呢个景食饭，真系喜出望外！冇谂过呢个位置都可以望到！简直系bonus！🤣🤣小食我哋叫咗香椒皮蛋，皮蛋外层嘅口感糯糯，入口就非常滑嫩，再加上香椒本身嘅辣味，口感做得十分丰富。香辣酱汁中嘅香椒味都算系几浓郁，加上适量嘅辣味调味之下，令呢一个皮蛋更加好食！食完呢一个𩠌之后亦都非常开胃！ 另外想推介一下砂锅津白杂锦汤！一嚟到热辣辣嘅砂锅，冇谂过成个汤系咁大！份量非常足料，入边仲有爽口弹牙嘅墨鱼丸同埋贡丸，多到差啲食唔晒！另外佢嘅高汤系用鸡汤熬制而成，绝对冇任何味精，我哋饮咗几碗汤都绝对唔会觉得口渴，令人非常觉得惊喜！津白亦都吸收晒鸡汤嘅精华，忍唔住食完一件又一件！呢一个汤绝对抵食，好彩我哋最后有叫！😀😀😀😀