影片
更多
2013-10-02
2106 浏览
寻日(1-10-2013 Tue)起身后,约男友一齐o黎呢间食个lunch,我o地12点几o黎到,人客都多多地,老板都热情招呼帮我o地揾位,唔知'定'o既我o地坐低后,叫o左碟$24.00o既叉鹅饭,老板应o左我.之后同男友研究叫多两个点心食,但午市点心唔会有好多款o岩o岩有个后生啲o既女楼面o黎收o野同抺枱,我就问佢有咩o野点心?佢好有礼貌咁答,o衣o家点心款唔齐,有烧卖,山竹牛肉,牛肚咁.我问有冇虾饺?佢答有.男友就即刻话要山竹牛肉,我就要虾饺.佢问我山竹牛肉要唔要烧卖,我答唔要烧卖.佢笑住话唔系,唔系,我应该系问山竹牛肉要唔要喼汁?哈哈.佢去拎入o黎喇.我同佢讲头先同老板讲o左要叉鹅饭但未o黎.佢话同我跟.佢问老板,老板好迷惘咁答好似有.不过呢位楼面都自己帮我跟.但我仍然见唔到佢o地整,咁o岩另一个年纪大啲o既女楼面大声问有冇人未叫o野?我就话叉鹅饭,佢话冇鹅只有鸭.啊,真老实.佢又问系咪一碟?我答系.佢就出去整,但有人同佢讲整o紧.佢就同我讲话呢o度叫一次就够o架喇,唔使叫咁多次.终于,碟叉鸭饭到o黎,大大碟o架!同时都畀埋钱,我记得点心系$13.00,就畀$50.00个年轻楼
佢去拎入o黎喇.我同佢讲头先同老板讲o左要叉鹅饭但未o黎.佢话同我跟.佢问老板,老板好迷惘咁答好似有.不过呢位楼面都自己帮我跟.
但我仍然见唔到佢o地整,咁o岩另一个年纪大啲o既女楼面大声问有冇人未叫o野?我就话叉鹅饭,佢话冇鹅只有鸭.啊,真老实.佢又问系咪一碟?我答系.佢就出去整,但有人同佢讲整o紧.佢就同我讲话呢o度叫一次就够o架喇,唔使叫咁多次.
终于,碟叉鸭饭到o黎,大大碟o架!同时都畀埋钱,我记得点心系$13.00,就畀$50.00个年轻楼面,佢收o左后返转头话重欠$2.00,因虾饺系贵啲.啊,冇问题.
我o地开餐喇,
虾饺唔系大粒,皮唔系薄,但内里o既虾仁爽口,成个味道都属于正常.男友虾好正但太少.味道: 3分
山竹牛肉大大件o既,
口感亦松软,可惜味道亦唔多够,喼汁亦落得太少.味道: 2.5分
而叉鸭饭呢?
真系大碟到要两个人食呀,重要系唔单只只系饭多,而系𩠌都多,颜色又靓.食落,叉烧够甜,有瘦又有半肥瘦,后者固然更好食,但连瘦o既都好食,肉质松软,有机会再o黎可以买啲返屋企食.而烧鸭呢?皮亦都够味,亦畀o左几多胸,啖啖肉好味.
青瓜亦清甜,毫不逊色;而饭o既软硬亦适中,只系甜豉油畀得少.
味道: 3.95分
最后奉上例汤,
系唔知咩o野瓜汤,冇乜味精亦淡淡地,o岩热气冇乜汤水o既男友饮.味道: 3.3分
服务:
除o左上面讲o既之外,其余重有老板主动畀两个用热水渌过o既碗仔我o地;亦同我o地讲有茶可以自己斟o黎饮.
而最好笑o既系,隔离o既熟客叫o左鸡胸饭,个年纪大啲o既楼面拎住碗饭问边个o既?熟客冇出声,另一个楼面话佢知系佢o既.佢拎到埋o黎时问个熟客系咪肚饿,饿到冇气力开声?然后叫佢畀钱,熟客答唔畀.佢话唔畀就999.我笑一笑,佢都对我笑.之后个熟客同我讲佢好巴辣,不过好玩得.哈哈.
o野食唔太差,人情味又浓,点可以唔畀少少o既心意支持佢o地?
题外话/补充资料：
去到记得睇清楚店名,因为佢o地同隔离同一类型o既舖头好似样,稍不留神就会入错,我o地寻日好彩睇住入咋.
(以上食记乃用户个人意见 , 并不代表OpenRice之观点。)
张贴
