北河燒臘飯店 (已結業)

絕對相信和認為全港最美味的蒸雞飯，就在北河。雞夠滑，飯沾了雞油，簡值無敵。要求另外付錢，多少無所謂，要喋純蒸雞，但居然被拒絕，不解。衛生情況每況越下，那是事實。

平時行過都見到好多人排隊買飯，有點心，盅頭飯，幾餸飯等，價錢真係平絕全港，點心碟碟$8起，外賣了蝦餃同魚翅餃，真心講係好平，但味道真係好一般，外皮散開同埋都幾硬下，餡料真係無咩味，不過明哥既善心係值得支持既。

是日的正午，小人獨個兒由長沙灣走到深水埗，吃過午飯再買些東西回公司。走過一家叫北河的燒臘飯店，燒臘好像很不錯，決定來一碟切雞飯。後來跟同事說起，才知道叫做明哥飯店，大家都不明所以，也無需考究。一碟切雞飯又平又夠份量，雞多飯多，雞沒有雪味，不特別肥，倒是雞香濃溢，一口吃下肥美鮮香，令人難以忘懷。蔥油沒有味精，吃完都不覺得口渴；較之連鎖店太X的更勝一籌。飯粒夠爽，配著油雞簡直無以上之。其後小人只是加多一杯凍檸茶，已是極其正斗的一餐！樸實無華，不用浮誇。

早年參與深水埔民生史考察，已知道在古蹟大金龍藥行旁，有北河燒味飲店，老闆明哥關愛基層。燒味價從來是比同區平，可能是市區最平！今日路過，對比新店，此北河街老店更顯得滄桑。新店午餐價是28元，老店如是一菜一肉，只是22元。街坊多光顧此住家式菜肉魚。已轉型為住家式菜肉魚店。佔用最多空間是點心，質素偏低。較佳品質是蒸飯，較粉質多於牛肉是山竹牛肉。如欲支持打氣，買明哥切雞，燒鴨較好。

北河街這間燒臘舖，大家都以「明哥飯店」稱呼它，想不到良心飯店有良心得來，其實質素不太低下，難怪受本地居民簇擁。但只看店面，看來點心所霸佔的位置也不少，下次試試進內堂食也好😏餐牌有很多項選項😂菜加飯/點心加菜/點心加飯等等⋯⋯不理了，點完一盅飯及一點心後，阿姐還會問你加不加菜，而結果這些菜竟然堆積起來有成座山那麼高，真健康！於是，本人亦是這兒的點心，臘腸雞飯，看來臘腸也不錯，吃落少許肥膩，但也未算是不能下嚥。其他的雞，也不差，四件也是雞髀，或是雞腿的位置😵，當然不會像新鮮雞，或家中新鮮蒸雞那麼有鮮味/雞味，但又未至於雞胸肉那般乾。山竹牛肉果然較差，樣子看來，也沒有什麼呈粉紅色、又或者呈啡色的感覺。吃落完全沒有牛肉味，而且切開非常容易🤔，可能整個牛肉球，肉的成分也比較少，因此不覺得吃了肉，只覺得是一大球粉團而已。結果，本來打算買兩個點心，結果變了一蒸飯一點心加點菜，成為三送飯一般。就價錢以及質素而言，這兒附近，這一家餐廳還是相當不錯，買點心，比西九龍的三餸飯好吃。

北河飯店 明哥出名做慈善 讚街坊食堂 有肉有菜有魚蒸炒旦畢餸亞姐好爽快 一啲都唔吞卜双餸飯$23 三餸飯$27 例湯另計燒臘~燒鴨 雞 义燒 都靚仔燒肉就唔係成隻燒嘅 價錢就算經濟但今日買嘅外賣燒肉雞就失分 切肉師傅 比啲燒黑 燶晒嘅燒肉邊燶嘅番轉放 望落誇啦啦 墊底嘅係雞頸切薄片 雞頸嘅喉未除仲有白切雞腳1隻打開盒 再夾起連刀嘅燒肉 好失望雖然味道好皮脆 但濃如炭就食唔得 有損健康生意唔係做1次 冇誠意冇下次再要買就要望到實要讚嘅係豉油雞 ~豉油香 雞滑皮爽

首先，在這裡對明哥致敬。來到這裡已接近兩點，依然門庭若市。不打緊，等了一會。輪到我，我要了煎堆、春卷、馬蹄糕，一件三元，抵！再要了一籠糯米包，十一元。煎堆等煎點，吃下去不覺肥膩，正正常常。糯米包內的糯米煮得比出面軟，看得出善心的明哥是為了迎口老人，生怕他們吃得牙齒發軟，讚！如果不是吃了飯的話，我會嘗試香噴噴的餸飯。下次有機會再來支持明哥！

专门前来朝圣最帅明哥！竟然在前面打包！还有最善良大姐们！最好味北河！业界良心！满满的菜，满满的肉，满满的饭，更重要的是满满的爱心！好感动！几十年如一日！太感动了！愿好人好报！

深水埗明哥，相信大家都唔會陌生，因為佢嘅慈善心腸，令細妹同我好欣賞、好敬佩，所以不時會特登走去幫襯佢！細妹通常買外賣淨餸，廿蚊一盒，滿滿的，大大盒！我喜歡佢嘅豆角炒蛋、魚香茄子、炒什菜火腿西蘭花&雞柳炒椰菜花！總之多菜少肉就最啱我！菜係新鮮爽脆嘅！尤其豆角、西蘭花同椰菜，但有時落南乳可能重手咗，我覺得間中有陣微酸味！椰菜花就偏稔，老人家會啱食啲！魚香茄子同炒蛋都又稔又入味！炒蛋有時好似食到類似蟹殼碎，唔知係蛋殼定蟹殼？炒蛋偏濕，一大pat，雖然貌相麻麻，但味道好鮮味！唯一值得改善嘅係，所有小菜都好油膩，我細妹話可能佢哋驚黐鑊麻煩，所以落油重手啲，係有佢嘅道理，但我覺得如果冇咁油膩會再加分！坦白講，$20有咁嘅份量同水準，絕對值得支持！當然更值得支持嘅，係明哥對弱勢社群嘅愛心！我哋會繼續幫襯，你呢？

我同媽常係報章經常見老闆明哥愛心派飯，特別遠道而黎以消費支持，是日天時暑熱達32度，店內只有較弱o既冷氣開放，另開左多部風扇，雖未至於汗流夾背開餐，真係幾辛苦係咁熱o既環境咬住啖飯 。我同媽都明白呢間係愛心飯堂，我地唔會受炎熱天氣同店內冇裝修o既環境影響我地黎支持明哥o既熱誠 。我地一坐低，好快有個阿姐黎招呼我地，仲話坐近門口較熱，因近蒸爐，建議我地坐入啲會涼啲，如此燒臘店侍應竟然會有咁好嘅服務  。後黎先見到原來明哥都係坐左係隔幾張枱同食客一齊開餐。此店選擇繁多，除左一般燒味外，仲有蒸飯、點心、三餸飯，甚至唔同種類o既即炒飯麵 ，而即炒飯麵包例湯、咖啡或茶。我媽揀左班腩炒麵 (食晏1點咁快冇晒河粉了) $35同例湯，，以呢個價錢包埋例湯，份量都唔少 ，班腩雖炸過但唔脆，炒麵油左少少 。反而大熱天時，呢個消暑黃瓜例湯真大派用場 ，黃瓜肉有好多件， 湯飲落啖啖清涼冇油 好消暑氣 ，仲中和左咁油o既麵。我自己就揀左蒸排骨飯附時菜，仲有二款點心包括: 蒸豬肉燒賣同蒸魚翅餃。蒸排骨調味尚算入味，蒸飯較濕且軟，反而時菜好味，雖係清炒，唔會太油，惟已經放涼左了。點心真係好一般，以14

去呢度唔多唔少係想支持明哥,佢哋一個盅頭飯加一款菜,堂食嘅話先廿蚊,外賣只係十八蚊,平得過份.我哋分別買咗北菇滑雞盅頭飯配西蘭花 同 鳳爪排骨盅頭飯配椰菜,排骨同鳳爪都總算仲有肉味,冇醃過頭,飯就幾濕同腍,應該係因為附近比較多老人家,始終佢哋牙力唔好,煮腍啲就易食啲.我份椰菜都唔少,食落爽脆甜香,有啲菜個感覺都好似均衡啲,不過就多油咗少少.平時晌網上唔同途徑睇到有關明哥嘅報導,當日見到佢真人坐鎮晌度,有啲小fans睇偶像嘅感覺,haha…

黎到明哥呢排門口好多人係度買三餸飯，睇評語食燒臘飯最穩陣，黎到買完飯卷就試下品質，雖然說不想好好食但係我食過最廉宜的燒臘飯，燒鴨味不錯，加色豉油味不算濃，飯夠熱之餘，份量亦好多。充滿良心和愛的味道！

我每次到深水埗，必定會繞到這裡買點甚麼的，以支持一下明哥的派飯善行。今晚要回家吃晚飯，所以打算在這裡買點餸菜加料。下午６時多，估不到店鋪門口濟滿人在買外賣。我想有這麼多棒場客，除了我這類閒來表達一下支持的稀客外，相信還是因為這裡價廉物美，吸引一班街坊熟客仔。店鋪門口一邊賣燒味，另一邊賣兩餸飯。你也可以買淨餸 (即是肉和菜)，或者淨菜。價錢是不一樣的。餸菜有十多款熱腾騰的家常小菜，今日有煎豬扒，炒木耳等，都十分吸引。餸菜旁邊有數碟已經放涼了的點心，有粉菓，魚翅餃等。有兩個姐姐站在餸菜這邊，站近點心這位姐姐似乎比較落力兜售點心。由於人很多又擠擁，我好不容易，找到較近點心的位置。我偶有選擇困難症，但在這種情況，不容許多加思量了。我很快決定，外賣20蚊一盒淨菜和8蚊３個粉菓，真是超抵。淨菜可選兩款，如果要３款菜就要22元。我選了小棠菜和椰菜花，姐姐快快手給我把外賣盒裝得滿滿的，相中那一片的火腿是姐姐送給我。姐姐的態度親切，令人舒服。這兩款菜炒得惹味。我想再清淡點，回到家浸沸水去去油膩。要是你沒這個習慣，直接吃當然沒問題。粉菓是冷的，必須要回家翻熱吃。粉菓餡料一般但香口，沒有大粒肥豬肉藏在内，我

一個假日裡仍要工作的日子，路經此地，見這街坊飯店不但有點心外賣，而且價錢十分親民，外賣價點心平的只賣是 $8，稍貴一點的也只是 $10，即使是盅頭蒸飯也只不過賣 $13，便隨便叫了兩款點心外賣回辦公室去也。兩款十元點心分別是「雞扎」和「雞絲粉卷」，兩者都是童年時自己贊為喜歡的茶樓點心。「雞扎」的水準中規中矩，雖然魚肚換上了豬皮，沒有叉燒或廈肉，只得蟹柳，始終這點心叫做雞扎，雞肉還是有的，而且還有芋頭和包裹著裡面餡料的腐皮，而當然，淮山這舊日裡雞扎必備的餡料，就不用奢求了。至於味道嘛，雖然只是普普通通，可也正正常常。但「雞絲粉卷」就不大好了，粉皮厚，餡料實而無味，那些肉餡與青豆粟米紅蘿蔔等餡料，就像是堆砌而成的雜牌軍一樣，實在難以讓人給它一個及格的分數。所以到了最後，我還是沒有把它全部吃掉。不過話雖如此，始終這兒的點心，最貴也只不過是十元一款，在今時今日百物騰貴的香港，茶樓酒家動輒十多二十元一碟點心，酒店價錢更是數以倍計的香港，對收入不高的升斗市民來說，這些超平民價的中式點心，仍然是有它的市場，可以惠澤一般低下階層市民的。後記：原來這間飯店就是樂善好施的明哥所開的店舖，自己一時間也沒有留

一年先到一兩次既自己，講唔上係熟客，但對敝店既善行早已知悉，呢度唔多講。間野好地踎，一係唔好入黎，入得黎就唔好投訴，我呢d為左食野通山跑既人，當然冇問題。涼瓜排骨飯唔算好大碟，但正常食量一定夠飽，涼瓜切細條入口夠甘我鍾意，排骨調味正常亦冇鬆肉粉攻擊過既痕跡，芡汁唔會杰過龍可以gel頭，而食平飯自己最驚既糊仔飯都冇出現，米粒分明。奶茶冇期望所以冇失望，至少唔係難飲個隻。後加既燒賣只賣十三大洋，粒粒飽滿，如果你食慣左街邊既十蚊幾粒既橡膠燒賣，強烈建議俾多三雞試下呢度，見識下真正燒賣既威力。不過抵還抵，個人口味覺得調味甜左d，咁我話晒都係客，彈兩句都得卦。一個涼瓜排骨飯加飲品先三十大元，叫埋燒賣都係四十有三，味道重係冇問題，抵到難以相信。俾人加租加到打算收皮，好心人合理租金幫忙，一刻個腦諗到絕處逢生四個字。冇舊業主既加租，唔會有今日既平租兼大左既新舖，天無絕人之路，好心有好報。新舖係正對面，四月頭先交舖，應該冇咁快有得食，有心人可留意下傳媒消息。