渡邊屋

营业中

休息中

经过繁忙嘅衙前围道中间，发现窗边嘅师傅好忙碌咁处理鱼生。呢间餐厅环境细细，但系提供嘅刺身种类超多。特上寿司盛盒十种唔同寿司，款款都系超级鲜味。最爱嘅左口鱼油香十足，食完成个口都系鱼香味。而加州卷看似平凡，但食材都系新鲜，食落爽口。间八寿司间八口感爽口弹牙，相比其他寿司冇咁油腻，食到阵阵鱼香味。北海道刺身丼刺身丼绝对系今日MVP！刺身款款新鲜同厚切就基本喇，但重点系个海胆。今日系选用加拿大海胆，感觉平时都有机会食到冇特别。但食落系另一个层次，海胆鲜甜不特止，食完个口感系好似食咗牛油咁。呢个鲜甜牛油海胆溶咗系个口到，果阵鲜香味持久，完全冲击味蕾。我都系第一次食到咁嘅味道，师傅话有时都要睇运气。相信餐厅对食材嘅执著可为食客带来更高嘅运气同满足。