麺匠 真武咲弥 (已搬遷) 新店位置

大少同我今日冲出商业区，去咗湾仔度食北海道拉面。大少叫咗味噌拉面，而我就叫咗酱油拉面。大少个拉面油淋淋，碗汤浮左好多油，我试过个味，我觉得偏咸，但系大少话OK。上网查过，原来油淋淋同埋味道偏浓嘅汤底系北海道拉面嘅特色。我真系唔识货。我自己𠮶个酱油拉面个味冇咁浓，亦冇咁油。个拉面系北海道传统嘅曲曲拉面，同九州嘅直直拉面系有分别嘅。我自己就觉得硬左少少，但系大少就话佢钟意食比较硬嘅拉面。碗拉面嘅配料有笋，青葱，洋葱，同埋叉烧，大少同我碗拉面都追加左半熟蛋。可能我食开九州嘅直直拉面，唔系太识欣赏北海道嘅曲曲拉面同埋咁浓嘅汤底，我自己觉得味道一般。今次嘅评分一般纯粹出于个人喜好。