#OMG (已結業)

今日午餐一个人揾食, 之前经过开, 都未帮衬过, 见今日唔洗等位, 就试下啦。餐厅环境都几光猛阔落, 1个人可以坐卡位, 都几舒服!意粉份量颇多, 意粉质感烟靭, 带有淡淡香蒜味, 香煎帆立贝带有牛油味, 配菜有红萝白及秋葵。好靓既棉花糖, 卖相相当吸引, 棉花糖带有淡淡既玫瑰花香, 劲好味, 香滑既3.6北海道朱古力牛乳, 服务员细心提醒如怕太甜, 可先吃棉花糖, 后可加入朱古力牛乳。牛乳入口有朱古力味同玫瑰味, 真系估唔到可以咁甲。